Үөһээ Бүлүү улууһугар ититии систиэмэтин децентрализациялааһын бырагыраамматынан тутулл...
Үөһээ Бүлүү улууһугар ититии систиэмэтин децентрализациялааһын бырагыраамматынан тутуллубут саҥа модульнай хочуолунайдар үлэлэрин көрдүм. Ол курдук, быйыл улууспутугар алта саҥа хочуолунай тутуллан үлэҕэ киирдэ: оҕо искусство оскуолатыгар, Үөһээ Бүлүүтээҕи 4-с, 3-с, 1-кы нүөмэрдээх оскуолаларга, маны таһынан Өргүөт нэһилиэгэр уонна Куду учаастагар хочуолунайдар тутулуннулар. Билигин Өргүөт нэһилиэгэр хочуолунайы тутуу үлэтэ өссө да бара турар, маны сэргэ Үөһээ Бүлүүтээҕи 1-кы нүөмэрдээх оскуола хочуолунайа сарсын ититиини биэрэрэ былааннанар. Атын хочуолунайдар бары балаҕан ыйыттан ититиини биэрэ тураллар. Быйыл улууспутугар «Верхневилюйская тепловая компания» диэн саҥа тэрилтэ тэриллибитэ. Саӈа тутуллубут хочуолунайдары "ВТК" ХЭТ закааһынан инвестор "Стандарт 14" ХЭТ бэйэтин суотугар тутта. Бүгүн хочуолунайдар сүрүн үлэһиттэрин кытта көрсөн, кинилэр күннэтэ үлэлиир усулуобуйаларын уонна аныгы оһохтор хайдах үлэлииллэрин, эбиитин, хочуолунайдарга ыксаллаах быһылаан буолар түгэнигэр ититии систиэмэтэ тохтооботун туһугар туох хамсаныылар оҥоһуллалларын билистим. #ВТК #ОтопительныйСезон #ҮөһээБүлүү max.ru/channel_VNikolaev