🍁🍁Бүгүн улууспутугар өтөрүнэн буолбатах баай, байылыат астаах- үөллээх улахан Атыы-эр...
🍁🍁Бүгүн улууспутугар өтөрүнэн буолбатах баай, байылыат астаах- үөллээх улахан Атыы-эргиэн дьаарбаҥката Олоҥхо дьиэтин иннигэр буолла. Нэһилиэктэртэн уонна улуус кииниттэн тыа хаһаайыстыбатын управлениетын үлэһиттэрэ, бааһынай уонна кэтэх хаһаайыстыбаларбыт кэлэн бородууксуйаларын атыылаатылар. Халыҥ уочаракка туран, сип- сибиэһэй ынах, сылгы, сибиинньэ, куобах этин, балыгы, саҥа түспүтүнэн сүөгэйи, үрүҥ ас арааһын, арыыны, кэнсиэрбэлэммит оҕуруот аһын, онтон да атын аһы- үөлү дьон- сэргэ астына атыыласта. Биир халыҥ уочараты хаппыыста атыыта ылла. Олохтоох, минньигэс Дүллүкү аатырбыт хаппыыстатын дьон куулунан сүгэн, көтөҕөн бэркэ үллэһиннилэр. Көрдөх аайы лоскуй эти кыбыммыт, миэстэнэн эти көтөхпүт, сибиэһэй сүөгэй, оҕуруот аһа ылан үөрбүт- көппүт дьон бүгүҥҥү дьаарбаҥка сыалын- соругун сиппитин туоһулуурга дылылар. Тыа хаһаайыстыбатынан дьарыктанар дьоммутугар барҕа махтал буоллун🙌👏 Олохтоох, хаачыстыбалаах, минньигэс аһы оҥорон таһаараргыт, нэһилиэнньэни хааччыйаргыт иһин ✊ Тыа хаһаайыстыбатын үлэһиттэрэ маннык баай- талым астаах дьаарбаҥкалары тэрийэн олохтоох аһы тарҕата тураргытыгар баҕарабыт! Тыа хаһаайыстыбатын управлениетын пресс- киинэ