Алтынньы 22 күнүгэр Российскай Федерация Президенин, СР гражданнарын приемнуур дьиэти...
Алтынньы 22 күнүгэр Российскай Федерация Президенин, СР гражданнарын приемнуур дьиэтигэр Үөһээ Бүлүүттэн Александра Витальевна Котоконова үлэ сырыытынан ыалдьыттаата , Саха республикатыгар кылаабынай федеральнай инспектор Евгений Владимирович Корнеевтыын видеоконференция нөҥүө, Россия Президенин Гражданнартан уонна тэрилтэттэн киирэр сайаапкалары кытта үлэлиир салаа салайааччытын Алексей Валерьевич Михеевтыын кэпсэттилэр . Александра Витальевна Котоконова О.Д.Федорова аатынан Үөһээ Бүлүүтээҕи киин модельнай библиотека сүрүн методиһа, СР култууратын туйгуна. Александра Витальевна библиотека коллективын аатыттан дойдубут президенигэр В.В.Путиҥҥа капитальнай өрөмүөн наадатын туһунан сурук суруйбута. Онтон сиэттэрэн кэпсэтии таҕыста. Көрсүһүүгэ Киин библиотека ыытар үлэтин, былааннарын ,дьон –сэргэ , оҕо -аймах билии- көрүү эбинэр, сайдар киинин сөргүтэн оҥорор наадатын эттэ. Алексей Валерьевич библиотека хаартыскаларын көрөн, бэрт тупсаҕайдык тутан, улэлэлии- хамныы олорор эбиккит диэн сэргээбитин биллэрдэ уонна 2028 сыл балаҕан ыйын 1 күнүгэр (Билии күнүгэр) хапытаалынай өрөмүөн бүтэн саҥалыы тыыннаммыт библиотекаҕа киириэххит диэн эрэннэрдэ.