тардар кэриэтэ буолар. Хас биирдии тас дьайыы үлэ тэтимин бытаардар. Онон бу уустук кэм...
тардар кэриэтэ буолар. Хас биирдии тас дьайыы үлэ тэтимин бытаардар. Онон бу уустук кэмҥэ биһиэхэ ситимнээх, быстыбат, халбаҥнаабат, бигэ туруктаах салайыы олус ирдэнэр. Билиҥҥи кэм оннугу ирдиир. Биир кэлимник сайдарга былааннамыт үлэ быстыбакка барыахтаах. Туох баар бары ыарахаттар хаһан эмит бүтэллэр. Ол кэмҥэ биһиги өрөспүүбүлүкэбит өссө күүскэ сайдан, бигэтик атаҕар туруохтаах. Биири холобурдаатахха маннык, биһиги бары өйдүүбүт хайдах 2001 сыллаахха Бастакы Бэрэсидьиэн Михаил Ефимович Николаев сокуон ирдэбилинэн кандидатуратын туоратан, өрөспүүбүлүкэни сайыннарар кыахтаах, өссө да эдэр, күүстээх лидер, уһулуччу киһи үлэлиир кыаҕа суох хаалбыта. Ол сыыһа хамсаныы иккистээн хатыламмата наада. Өрөспүүбүлүкэ үрдүнэн салайыы систиэмэтигэр биир ситим үлэлиэхтээх. Манна холобурдаатахха, муниципальнай тэриллиилэр баһылыктара үлэлиир болдьохторо сокуонунан да, устаабынан да хааччахтамматтар. Онон өрөспүүбүлүкэбит салайааччытыгар эмиэ маннык ньыма үлэлиэхтээх. Саха Өрөспүүбүлүкэтин сайдыытыгар элбэх үлэни ыыппыт уонна саҕалаабыт салайааччы болдьоҕо икки эрэ болдьоҕунан түмүктэниэ суохтаах. Түмүктээн эттэххэ, мин Саха Өрөспүүбүлүкэтин Төрүт сокуонугар уларытыыны киллэрэр көҕүлээһини өйүүбүн. Өрөспүүбүлүкэ сайдыыта бигэ туруктаахтык, утумнаахтык барыахтаах, көдьүүстээх быһаарыныылар олохтоохтор интэриэстэрин туһугар ылыллан, олоххо киирэн иһиэхтээхтэр. Күүстээх салайааччыны талыыны сокуон хааччахтыа суохтаах, быыбардааччылар эрэ быһаарыахтаахтар! "Үөһээ Бүлүү улууһа" муниципальнай оройуон баһылыга В. В. Николаев