#планерка
#планерка Үөһээ Бүлүү улууһугар сокуону, бэрээдэги кэһии туругун туһунан Үөһээ Бүлүүтээҕи ис дьыала отделын бэрээдэги бөҕөргөтөр салаатын салайааччытын быстах кэмҥэ эбээһинэһин толорооччу, полиция майора Вячеслав Семенович Потапов иһитиннэрдэ. Нэдиэлэ устата ис дьыала отделын дьуһуурунай чааһыгар 30 иһитиннэрии киирбит. Ол иһигэр 1 өлөрүүнэн куттааһын, 1 түөкүннээһин, 1 эт-хаан эчэйиитэ бэлиэтэммит. Нэдиэлэ устата 73 административнай боротокуол толоруллубут. Бу өрөбүл күннэргэ биллибэт, улуус таһыттан кэлбит дьон аадырыстарынан сылдьан опрос ыла сылдьаллар диэн иһитиннэрии социальнай ситим нөҥүө тарҕаммыта. Бу иһитиннэриинэн оперативнай үлэһиттэр - следователлэр тута бэрэбиэркэҕэ тахсыбыттара. Билигин силиэстийэ бэрэбиэркэтэ бара турар. Түмүгүн аныгыскы нэдиэлэ мунньаҕар биллэриэхпит. Участковайдар 3 административнай боротокуолу толорбуттар. ГАИ сотрудниктара нэдиэлэ устата 70 ыстараап уонна сэрэтии боротокуолун оҥорбуттар. Арыгы испит туруктаах 1 суоппар уруулга олорон тутуллубут. Бу суоппар бырааба суут нөҥүө быһыллар. @uoheebuluu