#планерка
#планерка Үөһээ Бүлүүтээҕи ас-үөл кэмбинээтин үлэтин хаамыытын туһунан салайааччы Николай Иванович Алексеев иһитиннэрдэ. Бу сылга саҥа тэрилтэ тэриллибитэ. Үүккэ былаан быһыытынан бэриллибит 2100 туоннаттан 98 %-нын 9 ыйынан толорбуттар. Оҥорон таһаарыы уопсай көрдөрүүтэ, 9 ый түмүгүнэн маннык: 14 туонна 42 %-наах сүөгэй, 1 т. 800 кг 50 %-наах сүөгэй, 8 туонна 2,5 %-наах үүт, 64 туонна арыы, 1 т. 200 кг. творог, 49 туонна кефир уонна суорат, 16 туонна быырпах, 4,5 туонна 6 араас көрүҥнээх йогурт, 7 туонна сироп, 3 туонна барыанньа, 0,220 туонна кыынньыбыт арыы. 92 мөлүйүөн солкуобайтан тахса суумалаах бородууксуйа атыыламмыт. Бүгүҥҥү күҥҥэ ыскылаакка 22 туонна арыы, 0,689 туонна сироп, 0,03136 тн. барыанньа, 0,07905 тн. кыынньыбыт арыы уонна 0,384 тн. творог халаан турар. Сотору кэминэн 900 солк. сыаналаах ынах арыыта атыыга тахсыаҕа. Отону киилэтин 400 солкуобайга тута олороллор. Сотору кэминэн тоҥ үүтү быйыл эмиэ тутуохтара. Салгыы эт бородууксуйатын оҥорон таһаарар үлэ наадатын планерка кыттыылаахтара бэлиэтээтилэр. «Биир сонун бородууксуйа атыыга тахсарын наадатыгар декларация, анализ оҥотторор ороскуота 150 тыһ. солк. кэриҥэ буолар. Атыыга тахсар бородууксуйа ороскуотун сабыныахтаах, онтон барыска тахсыахтаах. Билиҥҥи туругунан эт аһы, халбаһы оҥорор оборудование тэрилтэҕэ суох», - диэн салайааччы быһаарда. Быйылгы сезоҥҥа 42 киһи үлэлээтэ, ол иһигэр быстах үлэ дуогабарынан үлэлээччилэр бааллар. @uoheebuluu