#планерка
#планерка Улууска ыытыллар спорт тэрээһиннэрин туһунан Үөһээ Бүлүүтээҕи спорт уонна физическэй култуура салаатын салайааччыта Егор Алексеевич Николаева кэпсээтэ. Аҕам саастаах дьоҥҥо декада чэрчитинэн икки күннээх спорт тэрээһиннэрэ ыытыллыбыттара. Ааспыт нэдиэлэҕэ тэрилтэлэр икки ардыларыгар спартакиада 2 көрүҥэ ыытылынна: дьахталларга уонна эр дьоҥҥо волейбол. Манна дьахталларга 9 хамаанда, эр дьоҥҥо 7 хамаанда күрэхтэстэ. 15 көрүҥ түмүгүнэн Баһаарынай этэрээт салайар холбоһуктаах хамаандата бастаан иһэр. Иккис миэстэҕэ РЭС уонна үһүс миэстэҕэ 76 очукуолаах ОДьКХ хамаандата иһэллэр. Күрэхтэһии тыҥааһыннанна, биир эрэ көрүҥ ыытыллара хаалла. Ол курдук, алтынньы 23 күнүгэр гиирэ спордун күрэҕэ буолуоҕа. Руфов Степан кэриэһигэр ахсынньы 2 күнүгэр хотугу многоборьеҕа ыытыллаары турар. Сэтинньигэ, 22-23-с чыыһылаларга, Александр Кузнецов бирииһигэр мас тардыһыытын күрэҕэ уонна оҕолорго Көстөкүүн Мандаарап аатынан хапсаҕай аһаҕас турнира ыытыллыаҕа. Спорт салалтатын үлэһиттэрэ 41500 солкуобайы хомуйан, анал байыаннай дьайыы кыттыылаахтарыгар көмөнү оҥорор улуус дьаһалтатын пуондатыгар туттараары олороллор. Санатар буоллахха, муниципальнай тэрилтэлэр хас квартал аайы 1-дии күннээх хамнастарын бу пуондаҕа туттара олороллор. Билигин хомуллубут үп сэтинньигэ улуус делегацията байыаннай дьайыы буола турар сиригэр гуманитарнай көмө оҥоро барарыгар анаан хомулла турар. @uoheebuluu