кыттыһа, көмөлөһө сылдьар.
кыттыһа, көмөлөһө сылдьар. Үөһээ Бүлүү дьаһалтатын киһи этэ да барбат, улахан организационнай комитет тэриллэн, баһылык өйөбүлүн ылан, оргкомитеты иилээн-салҕаан, баһылык социальнай хайысхаҕа солбуйааччыта, Анна Уларова илдьэ сылдьар. Анна Михайловна салайыытынан, хас биирдии тэрээһин үөрүүлээх арыллыыта, дьону түмүүтэ үрдүк таһымҥа ааста. Туспа махтал Михаил Михайлович Егоровка, Үөһээ Бүлүү улуус Дьокуускай куоракка постояннай представительствотыгар, выставка арыллыытын бэл холкутук, биир да түгэн ыгылыйыыта суох быһаарар салайааччы баар эбит дуу диэн сөҕүөхпэр диэри. Айталина Мойтохонова, Ураан саха оҕолоро, ону тэҥэ Роман Гаврильевич Кысылбаиков устудьуоннара буолан, бэл чэпчэкитик, ол эрэн үрдүк таһымнаахтык биир ыйы быһа үлэлии турар быыстапкабытын арыйбыппыт. Онтон дьэ, Чолбоннор бэйэлиир бэйэлээх төрөөбүт дойдуларыгар, "һууу" диэн сынньалаҥ тыыммын таһаарыахпар диэри, улуус дьаһалтатын кытта туоох баар культура үлэһиттэрэ (Департамент культуры, ЦНТ, Үөдүгэйдээҕи СДК, Тобуруокап аатынан киин) бары кыттыһан, бэрт сэргэхтик, таһарыылаахтык, киинэ да презентациятын, рок-фестиваль да түгэнин, сүрдээх ис-кирбэх Музейтан выставкалаах, астаах-үөллээх ыыттылар. Төһө да бу кэм фестиваль ыытылларыгар табыгаһа суоҕун иһин, Иванов Сергей курдук тыыннаах музыка фанаттара баар буоланнар, кыттааччылары баар оҥорон, Чолбон айар суолугар анаммыт фестиваль олоххо киирдэҕэ. Өрүү көстүбэт, аата иһиллибэт, биир дьикти күүстээх, айылҕаттан айдарыылаах менеджер, эдэркээн, Айяна Кардашевская курдук оҕолоох буоламмыт, фестиваль призовой фондата кэмигэр быһаарыллан, кофе-брейк, фуршет боппуруостара олус чэпчэкитик тэрилиннилэр, кэлбит дьон-сэргэ үөрэн-көтөн, астынан-дуоһуйан тарҕастылар. Бэйэлэрин эйгэлэригэр профи буолаллара, өрүү бу курдук тыыннаах музыка үлэтин тэрийэ сылдьар Үөһээ Бүлүү культуратын үлэһиттэрэ өссө төгүл үлэлэригэр бэриниилээх буолалларын көрдөрдүлэр. Цнт хаһаайката, Изабелла Петрова, үлэлэрин чэрчитинэн, ис сүрэхтэрин ууран туран фестиваль туох баар организационнай боппуруостарын, раздаткаттан саҕалаан, аска-үөлгэ тиийэ быһаардылар. Егор Алексеевичка, үс хоһуун хаһаайыныгар туспа махтал, куораттан кэлбит ыалдьыттарбытын сылаас спортивнай уораҕайыгар хоннорорго сөбүлэҥ биэрбитигэр. Дьокуускай куоракка өрүү аттыбар баар, урут уруккуттан ситиммитин быспакка билсэр, быраатым кэриэтэ киһим, эдэр ыччаттарга рок-музыка эйгэтин арыйар, суолун-ииһин сайыннара сылдьар, Анатолий Чиряев буолар. Толя, аҕата Николай Константинович Чиряев, Саха сиригэр бастакы сахаллыы оскуола, гимназия дириэктэрэ буолар, Чолбон бөлөх истиҥ фаната, мин үөрэппит учууталым, онтон эһээтэ Россияҕа соҕотох, Ороһу нэһилиэгэр, норуот педагогикатын музейын арыйааччыта, аан дойдуга биллэр этнопедагог буолар. Толя өҥөтө аһары баһаам бу бырайыакка, өссө да үлэлэһэ сылдьабыт, выставкаҕа биэрбит олус элбэх материаллара, Ордо бөлөҕү манна кытыннара аҕалыыта, выставкаҕа кэнсиэр тэрийиэхтээхпит, улахан кэнсиэргэ эдэрдэри түмүөхтээхпит, онон үлэбит, былааммыт өссө да баһаам... Бу курдук элбэх киһи, Сүрүннээн Үөһээ Бүлүү дьоно-сэргэтэ, оҕолоро, бырайыак олоххо киирэн, тыын ылан, Чолбон курдук легендаҕа сүгүрүйүүлэрин биллэрэн, бэрт сэмэй улуу убайдарын чаҕылхай суоллара-иистэрэ, тыллара-өстөрө, дириҥ суолталаах өйдөбүллэрэ кэлэр көлүөнэҕэ хааларын туһугар үлэлэһэ сылдьаллара өрөгөйдөөх түгэн буолар! Оттоһ биһиг салҕыы, Три кита курдук биллэр-көстөр пиар-агенстваны кытта, Чолбон бөлөх улахан кэнмтэригэр бэлэмнэнии үлэтин салҕыыбыт! Аныгыс эфиргэ көрсүөххэ диэри, махталы кытта, "Чолбон39" бырайыак ааптара, салайааччыта Анна Иванова.