#МахталСурук
#МахталСурук Төһөннөн тугу эрэ ирдиибит, соччоннон онно тиксибэппит... Олох биир дьиктитэ... Өйдүүгүт, "Морозко"диэн былыргы остуоруйаҕа, бэрт сэмэй кыыс Настенька, хайдах да олох моһуолугар түбэспитин иһин, барыта этэҥҥэ диэн этинэрин...Бу ыарахан түгэҥҥэ түбэспитигэр махтанарга дылы буоларын, оҕо сыдьан тоҕо тоҥмутун, эрэйдэнэ олорорун Морозкаҕа эппэтэ буоллар диэн дьиктиргиирим... Онтукам, улам сааспын ситэн, олох дьүрүскэнигэр олорсон, өй-санаа сааһыланан, сайдан истэҕин аайы, Чолбон бөлөх ырыатыгар баарыыныы, олохтон туох баар үтүөтүн, сүөгэйин эрэ баһа сатаама, баары баарынан ылынан, махтанарга эрэ дьулус диэн өйдөбүлүнэн сиэттэрдэххэ, туох барыта көрдөспөтөххүнэ да кэлэр, баар буолар эбит... Чолбоннор онно күүстээх туоһу буолаллар, хаһан да биллэ-көстө сатаабатахтар, айымньыларын разменная монета быһыытынан көрбөтөхтөр, дьон бэйэтэ өрө көтөҕөр, музыка эйгэтигэр сыралаах үлэлэрин, айылҕаттан айдарыылахтарын билинэр. Мин да, культура эйгэтиттэн ыраах киһи, Чолбоннор ааттарын, айымньыларын үйэтитэр туһугар үлэ үөһүгэр тиксибитим, бырайыакка ылсыбытым, онно туоһу буолан эрдэҕэ. Хайа баҕар этэҥҥэлээх, ол эбэтэр өрөгөйдөөх түмүк күүстээх үлэттэн тахсара өйдөнөр. Соҕотох киһи кыаммата биллэр. Бу бырайыак баар буоларыгар балтараа ый супту, түүннэри-күнүстэри үлэлэспит киһим, Валентина Христофорова буолар. Сарсыарда үскэ-биэскэ диэри бырайыак туһугар, биир хаппыайка төлөбүрэ суох үлэлэһэн, бу Президентскэй фондаттан Үөһээ Бүлүүгэ регистрацияламмыт НКО ситиминэн 3 млн. кэриҥэ хаччы киллэрдэхпит. Биир улахан дьыала суруйуута, иккис онтооҕор күүстээх үлэтэ - олоххо киллэрии эбит. Бырайыакпыт биэс олус киэҥ далааһыннаах тэрээһиннэр буолан биэрдилэр. Бастатан туран, бырайыак биир күүстээх көстүүтэ федеральнай экспертарга, бэлэм документальнай киинэ баара. Бу киинэ баар буолан, кыайар суолбут түстэниитигэр улахан өҥө буолбута диэн сыыспатым буолуо. Онно ис иһиттэн бэйэтэ фанат, киинэ режиссера, Кыйаара Юмшанова, бырайыак туһунан кэпсээбиппэр, бэрт идея эбит диэн үөрэ түһээт, өйүүрүн биллэрэн бу биэс буолуохтаах тэрээһиннэргэ киирсэригэр сөбүлэҥ биэрбитэ. Чолбон үрдүк аатыгар сүгүрүйэр Россия - моя история үлэһиттэрэ, Евгений Газизов икки эдэркээн үлэһитинээн, киһи өйүгэр баппат масштабтаах үлэни оҥордулар, үс ыйы быһа супту үлэлэһэн, матырыйаал бөҕө көрдөөммүт, булан, 12 зааллаах, толору быыстапканы дьон көрүүтүгэр таһаардылар. Манна туспа махтал, дойдутугар бэриниилээх, истиҥ патриот дууһалаах, үрдүк ааттаах-суоллаах, туспа бэйэтэ айылҕаттан айдарыылаах Кэнтиктэн төрүттээх худуоһунньукка, Дьулустаан Бойтуновка! Биир тылы утары эппэккэ, көрдөһүүбэр хап-сабар сөбүлэҥ биэрэн, 10 хартыынаны үлэҕэ киллэрдэ! Буор босхо... Научнай хайысхалаах конференциябыт үлэтин олоххо киллэриитигэр, киһи буолан үүммүт-сайдыбыт, төрөөбүт сирим кэриэтэ саныыр сирим - университетым өҥөтө буолар. Урукку үлэлэспит коллегаларым, Ильин Александр, устудьуоннары сайыннарыы ситимин салайааччыта, проректора, ону тэҥэ Дора Пахомова, туох баар кувез-карталартан, олоппоско, остуолга тиийэ дьаһайсыбыт киһим, университет протокольнай сулуусбатын салайааччыта, научнай библиотека үлэһиттэрэ улахан күүс-көмө буоллулар. Киэһэ тоҕуска диэри, онтон сарсыарда аҕыстан бииргэ сүүрбүт-көппүт Ураан саха түмсүү, Үөһээ Бүлүү землячествотын активистара, устудьуон уолаттар, кофе-брейк тэрийсибит, хомуйсубут кыргыттар конференция этэҥҥэ аааһар үлэтин түстээбиттэрэ. Оттон конференция ис хоһоонугар үлэлэспитэ, идеологиятын, резолюциятын бэлэмниирбэр көмөлөспүт киһим, Григорий Ильин кэргэнэ, Саха сирин үтүөлээх журналиһа Надежда Петровна Аргунова буолар. Хас биирдии бу тэрээһин биллэн туран, үөрүүлээх арыллыыта да буоллун, дьону түмүүтэ, ыҥырыыта барыта Үөһээ Бүлүү салалтатын өттүттэн күүстээх өйөбүллээх буолан этэҥҥэ аастылар. Ол курдук, бырайыак кыайыллыаҕыттан, Фонданы кытта договор түһэрсиитигэр үлэлэспит, сүүрбүт-көппүт, культура миниистирин бастакы солбуйааччыта Мария Турантаева буолар, олус элбэх организационнай боппуруоска күн бүгүҥҥэ диэри, улахан кэнсиэрбит түбүгэр