Бер мизгел... Бары тик бер мизгел генә. — 2 июня 2026 г. в 13:17:57.990
Бер мизгел... Бары тик бер мизгел генә. Кичә генә елмаеп йорттан чыгып киткән балаң бүген җәрәхәтләр белән хастаханәдә ятарга мөмкин. Кызганычка каршы, мондый хәлләр ешрак очрый башлады. Скутер, мопед, питбайк яки электросамокат — болар уенчык түгел. Алар тизлек, тәҗрибә һәм җаваплылык таләп итә. Кайчак без баланың шатлыгын күрергә теләп, аның куркынычсызлыгы турында онытып җибәрәбез. Әмма юл хаталарны кичерми. Бер ялгыш хәрәкәт, бер мизгеллек игътибарсызлык — һәм нәтиҗәләре гомерлек булырга мөмкин. Хөрмәтле әти-әниләр! Балаларыгызга транспорт чаралары белән идарә итәргә иртәрәк рөхсәт бирмәгез. Алар белән сөйләшегез, куркынычларны аңлатыгыз, кайда һәм ничек вакыт үткәрүләрен белеп торыгыз. Бүгенге игътибар һәм контроль иртәгә баланың гомерен саклап калырга мөмкин. Онытмагыз: иң кадерле бүләк — скутер да, квадроцикл да түгел. Иң кадерле бүләк — балагызның сәламәтлеге һәм иминлеге. Балаларыбызны бергәләп саклыйк! Фото - ясалма фәһем. #иминлек