Балалары булган аз керемле гаиләләргә «салым кешбэгы» кайтарылачак — 4 июня 2026 г. в 15:35:29.083
Балалары булган аз керемле гаиләләргә «салым кешбэгы» кайтарылачак Июнь аенда җан башына уртача кереме төбәктәге яшәү минимумыннан түбән булган һәм ике яисә аннан да күбрәк бала үстерүче гаиләләргә еллык түләүләр бирелә башлаячак. 1 июньнән мондый гаиләләр салым кешбэгы ала алачак. Татарстанда яшәү минимумы хәзерге вакытта 16,1 мең сум тәшкил итә. Мондый ярдәм чарасын алу өчен гаиләләрнең җан башына уртача кереме 1,5 минимумнан кимрәк булырга, ягъни 24,15 мең сумнан артмаска тиеш. Кешбэкны кайтару механизмы бик гади: ата-ананың айлык эш хакыннан ел дәвамында тотып барылган 13 процентлы салым (НДФЛ) 6 процентлы ставка белән яңадан исәпләнә һәм килеп чыккан аерма гаиләгә кире кайтарыла. Бу чара НДФЛ түләүче кешеләргә генә кагыла. Ягъни, махсус салым режимында эшләүче үзмәшгульләр һәм шәхси эшмәкәрләр мондый кешбэкны кире кайтара алмый. Фото - "Татар-информ".