Җәйге ял — ул күңел ачу гына түгел, ә яңа белемнәр һәм кызыклы ачышлар вакыты да! — 11 июня 2026 г. в 11:40:22.160
Җәйге ял — ул күңел ачу гына түгел, ә яңа белемнәр һәм кызыклы ачышлар вакыты да! «Урман иле» стационар лагеренда ял итүче балалар өчен "Офык" мәктәптән тыш эшләр үзәге педагоглары яңа технологияләр һәм иҗат бәйрәме оештырды. Берничә сәгать эчендә лагерь мәйданы мавыгулар лабораториясенә әверелде. Балалар FPV-дроннар белән идарә итү серләренә төшенде, үзләрен чын пилотлар итеп хис итте. Робот техникасы мәйданчыгында яшь конструкторлар механизмнар һәм тешле тәгәрмәчләр ярдәмендә хәрәкәтләнүче машина җыеп карады. Кызыксыну да, иҗат та җитәрлек булды! Ә кәгазь белән эшләү остаханәсендә гади битләрдән мавыктыргыч оригами су бомбочкалары- шартлаткычлар туды. Балаларның шат авазлары лагерь буенча яңгырап торды. Мондый очрашулар һәр баланың күңелендә яңа хыяллар кабыза, иҗатка һәм техник фәннәргә кызыксыну уята. Алда балаларны тагын да күбрәк кызыклы очрашулар һәм яңа ачышлар көтә! Фотолар - мәктәптән тыш эшләр үзәгеннән.