Мөслим үзәгендәге Пушкин паркы – иң беренчеләрдән булып ясалган парк. Ул 2011 елда төзе... — 7 августа 2026 г. в 07:50:59.358
Мөслим үзәгендәге Пушкин паркы – иң беренчеләрдән булып ясалган парк. Ул 2011 елда төзелгән. Дистә еллар дәвамында мөслимлеләргә хезмәт иткән парк берникадәр тарала, туза башлаган иде. 2025 елда елда хөкүмәт программасы ярдәмендә әлеге парк яңартыла башлады. Яңарту эшләре өч ел дәвамында башкарылачак. Агымдагы елда паркка балалар өчен заманча уен мәйданчыгы урнаштырылды, мәйданчыкка йомшак өслек җәелде. Кичә әлеге төзекләндерү эшләре төгәлләнеп, паркның яңа өлешен ачу тантанасы узды. Чарада район җитәкчелеге, төзүчеләр һәм мөслимлеләр катнашты. Чараны ачып, район башлыгы Альберт Хуҗин катнашучыларны сәламләде. Төзекләндерү эшләрен сыйфатлы итеп һәм үз вакытында башкарып чыгулары өчен төзүчеләргә рәхмәт сүзләрен җиткерде: “Парк һәрвакыт балалар тавышы белән гөрләп тора, ә безнең төп бурычыбыз – алар өчен куркынычсыз һәм кызыклы ял шартлары булдыру. Паркыбызны тагын да матуррак, уңайлырак итүгә үз өлешен керткән һәркемгә рәхмәтемне белдерәм!” – диде ул үзенең чыгышында. Район башлыгы “Мост” җәмгыяте җитәкчесе Фиргат Галимовка һәм Пушкин паркын карап, чистартып торучы “Карлыгач” балалар бакчасы мөдире Гөлнур Фазлыевага Рәхмәт хатлары тапшырды. Тантаналы чара әти-әниләрнең рәхмәт сүзләре һәм балаларның, район мәдәният йорты егет-кызларының җырлары белән үрелеп барды. Чара барышында балалар өчен райок үзәк китапханәсе хезмәткәрләре һәм балалар сәнгать мәктәбе укытучылар төрле мастер-класслар да үткәрделәр. Тантаналы чарага килгән өлкәннәр балаларның шатлыклы көлүләрен, яңа мәйданчыкларда шау-гөр килеп уйнауларын шатланып күзәттеләр. Фәридә Гайнетдинова репортажы.