Крәш-Шуран авыл мәдәният йортында элек-электән килгән матур гореф-гадәтләрне саклаучы Э... — 7 августа 2026 г. в 06:48:17.716
Крәш-Шуран авыл мәдәният йортында элек-электән килгән матур гореф-гадәтләрне саклаучы Элҗен көнен билгеләп үттеләр. Әлеге бәйрәм керәшеннәр арасында ел саен 2 августта билгеләп үтелә. Крәш-Шуран җирлегендә исә аны җылы итеп Элҗен көне дип йөртәләр. Бу көнне яңа уңыштан алынган бәрәңгене беренче тапкыр авыз итү йоласы яши. Бәйрәмгә авыл халкы яшь бәрәңгедән әзерләнгән төрле тәмле ризыклар алып килгән. Кунаклар һәм катнашучылар күңелле уеннарда көч сынашкан, җырлап-биеп рәхәтләнеп ял иткән. Милли традицияләрне саклау, буыннан-буынга тапшыру һәм авылдашларны берләштерүче мондый бәйрәмнәр халкыбызның рухи мирасының аерылгысыз өлеше булып тора. Крәш-Шуран мәдәният йортыннан. #миллийолалар #мәдәният
156 просмотров