ММ

Муслюмовский муниципальный район (Исполком ММР)

Госорганы и учреждения · 26 июня 2026 г.

Открыть канал в MAX

Мөслим политехника техникумында чыгарылыш кичәсе узды.

Мөслим политехника техникумында чыгарылыш кичәсе узды. Техникумның 28 студенты авыл хуҗалыгы техникасын һәм җиһазларын эскплуатацияләү һәм ремонтлау, автомобильләрне ремонтлау һәм аларга хезмәт күрсәтү мастеры, пешекче-кондитер белгечлекләре буенча белем туплап, имтиханнарын уңышлы тапшырды һәм тантаналы рәвештә кулларына диплом алды. Район башлыгы Альберт Хуҗин яшь белгечләргә уңышлар теләде, шушы көннәрдә армия сафларына озатылган егетләрнең әти-әниләренә балаларының дипломнарын тапшырды. Техникум җитәкчесе Илнар Миргалимов, мәгариф идарәсе җитәкчесе Лилия Хәбибуллина, чыгарылыш курс студентларының укытучылары һәм әти-әниләр дә чыгарылыш студентларын бәйрәмнәре белән тәбрикләде. Яшь белгечләр "Август-Мөслим" компаниясеннән һәм "Агромастер" җитештерү компаниясеннән эшкә чакыру алдылар. Чара район мәдәният йорты үзешчәннәренең концерт номерлары белән үрелеп барды. 📸 Фоторепортаж: https://vk.ru/album-204018005_311401932