«Айыыһыт алгыһа, Иэйиэхсит эҕэрдэтэ» — 18 марта 2026 г. в 12:36:17.367
«Айыыһыт алгыһа, Иэйиэхсит эҕэрдэтэ» Кулун тутар 17 күнүгэр Туллукчаанабытыгар нэһилиэкпит 3 саҥа күн сирин көрбүт кырачаан олохтоохторун бэлиэтээтибит. Ол курдук элбэх оҕолоох Саргылана, Айтал Никаноровтар 8 оҕолорунаан Айлааналыын, Наталья, Федор Даниловтар үһүс бухатыыр уолларынаан Айааллыын, эдэр ыал Аяна, Илья кэрэчээн кыыстарынаан Элиналыын ыалдьыттаатылар. Никаноровтар дьиэ кэргэттэрэ бырайыакпыт тэриллиэҕиттэн номнуо 6 оҕолорун илдьэ кэлэн алгыстаннылар. Даниловтар дьиэ кэргэттэрэ элбэх оҕолоох ыаллар кэккэлэригэр киирдилэр. Кырачааннарбытыгар Надежда Николаевна сахалыы сиэринэн алгыс эттэ, сыт таһааран уот отунна, ыалдьыттарбытыгар детсаппыт минньигэс астаах повардара астаабыт алгыстаах алаадьытынан, минньигэс саламаатынан күндүлээтибит. Хас биирдии дьиэ кэргэҥҥэ оҕолорун киинин угар харысхаллаах Күбэйэ туттарылынна, салалтаттан, аймахтартан, дьүөгэлэртэн истиҥ эҕэрдэ эриэккэһэ этилиннэ. Үйэтитиигэ хаартыска түһүү тэрилиннэ. Одуну кырачаан олохтоохторугар чэгиэн доруобуйаны, дьиэ кэргэннэригэр или -эйэни баҕарабыт. «Далаьа» пресс киин. Одуну.