Сахалыы остуол оонньуулара — бу саха норуотун былыргыттан кэлбит үгэстэрэ, оҕону өй-сан... — 10 марта 2026 г. в 09:53:30.352
Сахалыы остуол оонньуулара — бу саха норуотун былыргыттан кэлбит үгэстэрэ, оҕону өй-санаа, болҕомто уонна тарбах былчыҥнарын сайыннарарга туһуланар дьарыктар. Сыралаах үлэ, дьаныардаах дьарык түмүгэр "Туллукчаана" детсад бэлэмнэнии бөлөх оҕолоро Куприянова Снежана, Павлова Дарина, Афанасьева Изамира, Контоев Арылхан, Никаноров Дархан буоланнар Горнай улууһун детсадтарын спартакиада биир көрүӈүн күрэҕэр түмүккэ 3 бочуоттаах миэстэ ылан кэллилэр. Кыттааччылар 2 мүнүүтэ иһигэр хабылык, тыксаан, тырыынка, иэрэгэй көрүҥнэригэр күрэхтэстилэр. Түмүккэ Павлова Дарина тыксааӈӈа 1 миэстэ, Куприянова Снежана 2 миэстэ, Контоев Арылхан иэрэгэйгэ 3 миэстэни ыланнар детсадтарын аатын ааттаттылар. Оҕолорбут тиһигин быспакка маннык дьарыктана сырыттахтарына, төрөөбүт төрүт остуол оонньууларыгар ытыктабылы кыра саастарыттан иҥэринэн, саха буолалларынан киэн тутта улаатыахтахтара диэн эрэнэбит. Кудаисова А. К.