🍁"Кустук" уһуйааныгар алаадьы күнэ үөрүүлээхтик ааста: Күөлбүтүн минньигэс алаадьынан ... — 29 сентября 2026 г. в 05:18:10.100
🍁"Кустук" уһуйааныгар алаадьы күнэ үөрүүлээхтик ааста: Күөлбүтүн минньигэс алаадьынан күндүлээтибит!🍁 Бүгүҥҥү күҥҥэ "Кустук" уһуйааныгар кэтэһиилээх уонна минньигэс аралдьытыы – Алаадьы күнэ буолла! Бу күн оҕолор сахалыы алаадьыны оҥорон, дьикти дьарыгы – чугас турар күөллэрин аһатыыны тэрийдилэр. Оҕолор, иитээччилэрин кытта, бэйэлэрин илиилэринэн минньигэс алаадьылары буһардылар. Кырачааннар кыһанан, үөрэ-көтө, бэйэлэрэ ыстаан-булкуйан, сахалыы аһы астыырга үөрэннилэр. Алаадьы сыта уһуйаан иһин толордо. Алаадьылар бэлэм буолбуттарын кэннэ, оҕолор уонна иитээччилэр чугас турар күөлгэ бардылар. Оҕолор, айылҕаны ытыктыыр, харыстыыр сыаллаах, минньигэс алаадьылары уу таһыгар уурдулар. Бу дьарык кэмигэр иитээччилэр оҕолорго күөл суолтатын, онно олорор үөннэри-көйүүрдэри, балыктары харыстыыр туһунан кэпсээтилэр. Оҕолор айылҕаны таптыырга, киниэхэ харыстабыллаахтык сыһыаннаһарга үөрэннилэр. Бу тэрээһин оҕолорго саха норуотун үгэстэрин билиһиннэрэр эрэ буолбакка, айылҕаны таптыырга, харыстыырга үөрэтэр сүрүн суолталаах. Алаадьы күнэ "Кустук" уһуйаан оҕолоругар умнуллубат үөрүү буолла, айылҕаны кытта чугастык алтыһар кэрэ түгэннэри бэлэхтээтэ.🧒🏻👧🏻☀️🙌