"Кустук" уһуйааныгар "Чэбдик Чэппиэр" — 1 октября 2026 г. в 02:39:57.549
"Кустук" уһуйааныгар "Чэбдик Чэппиэр" Сарсыардааҥҥы эти -хааны чэбдигирдии уонна тыынар эрчиллиилэр! Бүгүҥҥү "Чэбдик Чэппиэр" күнэ "Кустук" оҕо уһуйааныгар оҕолор чэгиэн-чэбдик буолалларыгар анаммыт дьарыктартан саҕаланна. Сарсыарда эрдэ, күн сардаҥата түннүктэн тыган киирбитигэр, оҕолор үөрэн-көтөн, сарсыардааҥҥы эти хааны чэбдигирдии уонна тыынар эрчиллиилэргэ кыттыстылар. Иитээччилэр оҕолорго анаан нарын ырыалаах, кэрэ хамсаныылардаах чэпчигирдии ыыттылар. Оҕолор илиилэрин-атахтарын табыгастаахтык хамсатан, ыстанан, сүүрэн, эт-хаан өттүнэн күүһүрдүлэр. Бу хамсаныылар оҕолор сүргэлэрин көтөхтүлэр, күүс-уох биэрдилэр. Ону тэҥэ, тыынар эрчилиилэргэ оҕолор тыынар уорганнарын бөҕөргөтөргө, ыраас салгыны күүскэ этинэн ылынарга үөрэттилэр. Иитээччилэр оҕолорго араас тыынар дьарыктары көрдөрдүлэр: дириҥник тыыныы, салгыны тутуу, онтон бытааннык таһаарыы. Бу дьарыктар оҕолор тыҥаларын күүһүрдэр, иммунитеттарын үрдэтэр улахан суолталаахтар. "Чэбдик Чэппиэр" күнэ оҕолорго доруобуйаларын харыстыырга, чэгиэн олоҕу тутуһарга үөрэтэр. Сарсыардааҥҥы чэбдигирдии уонна тыынар эккирэтиилэр оҕолорго күүс-уох, үөрүү-көтүү биэрдилэр, күнүс бары үлэлэргэ күүстээхтик кыттыһалларыгар сүрүн түһүмэх буоллулар.