Кулун тутар ый 18 күнүгэр, «Кырачаан ымыылар» о5о саадын базатыгар «Оҕо төрөөбүт тылына... — 25 марта 2026 г. в 04:21:25.440
Кулун тутар ый 18 күнүгэр, «Кырачаан ымыылар» о5о саадын базатыгар «Оҕо төрөөбүт тылынан саҥарар саҥатын сайыннарыыга дьиэ-кэргэн уонна оҕо саадын оруола» улустааҕы методическай семинар буолан ааста. Семинар арылыыта «Эрчимэн Бэргэн» олоҥхо дьүһүйүүтүттэн саҕаланна. Ыҥырыылаах ыалдьыттар: СӨ Наукаларын Академиятын научнай сотруднига Татьяна Ивановна Никифорова, Дьокуускайдааҕы 41 нүөмэрдээх «Земляничка» оҕо саадын иитээччитэ, кукольнай театр салайааччыта Зоя Ивановна Яковлева. Күн бастакы аҥарыгар оонньуу көмөтүнэн оҕо төрөөбүт төрүт тылын сайыннарыы «Дьыл кэминэн саха ыалын олоҕун эргиирэ» быраһыак тула кэпсэтии буолла, ону тэҥэ семинар кытыыллаахтарын кытары «Алгыстаах ыһыах», «Кыстыкка бэлэмнэнии», «Күһүҥҥү үлэ», «Сайылыкка көһүү» хонууларга практическай үлэ, маастар-кылаастар уонна хонуу тула сүбэлэһии буолла. Кун иккис аҥарыгар “Дьиэ кэргэҥҥэ сахалыы тыыннаах итии” төрөппүттэр кэпсээннэрэ, авторскай оонньуулар, методическай ыйынньыктар” выставка, ЦОР «Төрүт сирим ситимэ» ойулук презентация, «Тылым тыылла турдун!» айар бырайыагы сырдатыы, “Оҕо күннээҕи олоҕор саха тыла” эбии үөрэхтээһин үлэтэтин көрдөрүү, “Ай-тутти” театральнай студия улэтэтин сырдатыы, «Көтөрдөр мөккүөрдэрэ» остуоруйа, «Байанай бэлэҕэ. Булт абылаҥа» маастар кылаас, “Өбүгэ утума” олоҥхо уонна оһуохай үөрэтиитэ,«Күөрчэх» эйгэ бырайыагын үлэтэтин сырдатыы курдук араас интириэьинэй маастар кылаастар, кэпсэтиилэр, көрдерүүлэр буоллулар.