Итээччи күнүнэн уһуйаан үлэһиттэрэ итии-истиҥ эҕэрдэлэри туттулар! — 29 сентября 2026 г. в 05:12:25.510
Итээччи күнүнэн уһуйаан үлэһиттэрэ итии-истиҥ эҕэрдэлэри туттулар! Балаҕан ыйын 28 күнүгэр "Кустук" уһуйааныгар үөрүүлээх тэрээһин буолла – Педагогическай кылаас 9 кылааһын үөрэнээччилэрэ уһуйаан күнүнэн кэлэн, улэьиттэри э5эрдэлээтилэр. Бу тэрээһин оскуола уонна уһуйаан ыккардынааҕы сибээһи бөҕөргөтөр, оҕолору кэскиллээх идэҕэ угуйар сүрүн суолталаах. Эҕэрдэ кэмигэр оскуола үөрэнээччилэрэ, уһуйааннааҕы кэмнэрин ахтан-санаан аастылар. Кинилэр харахтарыгар оҕо саас сырдык өйдөбүллэрэ чаҕылхайдык көһүннэ. "Хаһан эрэ биһиги эмиэ кырачааннар этибит. Уһуйааҥҥа кэлэн элбэх доҕоттору булбуппут, оонньообутпут, үөрэммиппит. Иитээччилэрбит биһигини үөрэтэн-такайан, кэрэҕэ-сырдыкка уһуйбуттара. Бэйэбит эмиэ эһиги курдук педагог идэтин талан, кэлин иитээччи буолар баҕалаахпыт," – диэн үөрэнээччилэр истиҥ тыллары эттилэр. Оскуола оҕолоро бэйэлэрэ онорбут бэлэхтэрин туттардылар. Бу тэрээһин "Кустук" уһуйаан үлэһиттэригэр умнуллубат үөрүү буолла, ону таһынан, кэлин педагог идэтин талар үөрэнээччилэргэ оҕолору кытта кэпсэтиигэ сыаналаах уопуту биэрдэ.