🏆 Көрәш берләштерә, җиңү рухландыра!
🏆 Көрәш берләштерә, җиңү рухландыра! Бүген Актаныш районының Пучы авылы спорт залында, Россия халыклары бердәмлеге елы уңаеннан, 2011 елда туган һәм аннан яшьрәк малайлар арасында районара милли көрәш ярышлары узды. Актаныш, Минзәлә һәм Тукай районнарыннан 106 яшь көрәшче 11 үлчәү авырлыгында көч сынашты. Ярышларның иганәчесе — «Аманәт» фонды. Әлеге көрәш ярышларында безнең мәктәп егетләре дә бил сынашты. 8класс укучысы Гардиев Ислам 2урынны яулады. 🥈 Милли көрәш көч һәм чыдамлыкны үстерә, сабырлыкка, тәртипкә һәм көндәшне хөрмәт итәргә өйрәтә. Спорт аша балалар үз көчләренә ышанырга, максатларына ирешергә өйрәнә, халкыбызның матур традицияләрен дәвам итә. Һәр уңышта — балаларның тырышлыгы, тренерларның хезмәте һәм гаилә ярдәме ята. Исламны күп еллар әзерләгән тренеры Булат Робертовичка, хәзерге тренеры Анваров Ильфир Ильфатовичка һәм әти-әнисенә зур рәхмәт 👏👏👏