Ибне Натур исемле патша, Илья шәһәренең әмире, Һиракль белән икесе Сирия җиренең мөфтил... — 19 сентября 2026 г. в 14:56:05.079
Ибне Натур исемле патша, Илья шәһәренең әмире, Һиракль белән икесе Сирия җиренең мөфтиләре булалар. Һиракльның күңелендә борчу барлыкка килә. Кайбер монахлары моны күреп Һиракльга әйтәләр: "Синең хәлең безгә ошамый!" Һиракль әйтә: "Мин бер төнне йолдызларга карап шундый нәрсә белдем: сөннәткә утыртылган кешеләрнең патшасы җиңде. Бу өммәттә кайсылары ул?" Монахлар җавап бирә: "Яһүдләрдән кала сөннәткә утыртылган кешеләрне белмибез без. Ләкин алар сине куркытмасыннар. Барлык әмирләргә яз, алар шәһәрләрендә булган барлык яһүдләрне үтерсеннәр ". Шулай сөйләшеп утырганда бер кеше килеп Аллаһның илчесе ﷺ турында хәбәр җиткерә. Һиракль үзенең кешеләрен Аллаһның илчесе ﷺ барлыкка килгән җиргә җибәрә, сөннәткә утыртылганмы ул яки юкмы икәнен белергә. Шунда бу кешеләр аңа карап: "Бу илче һәм аның кырыенда булганнар сөннәткә утыртылган кешеләр",- дип әйтәләр. Шунда Һиракль әйтте: "Ул кеше - бу өммәтнең патшасы, менә ул чыкты!" Шулвакыт Һиракль үзенең иптәшенә хат яза, ул үзе шикелле белемле була, һәм Химс дигән җирлеккә китә. Анда барып та җитәргә өлгерми, аңа ул иптәшеннән хат килә. Һәм ул да: "Әйе, бу – Пәйгамбәр",- дип әйттә. Шунда Һиракль бөтен Рим патшаларын чакыра, үзенең патша сараена җыя, бөтен ишекләрен бикләп куерга әмер итә. Балконга чыгып аларга эндәшә: "Әй Рим әһелләре, уңышка һәм туры юлга ирешәсегез киләме? Патшагыз сездә калуын телисезме? Әле генә чыккан Пәйгамбәр артыннан иярәчәксезме? Аңа присяга бирәчәксезме? Шунда бу патшалар шушы сүзләрне ишеткәннән соң кыргый ишәкләр сыман ишеккә ыргылалар, ләкин чыга алмыйлар. Бу хәлне күргәч Һиракль аларның иман китерүләренә өметен өзә, һәм әйтә: "Боларны кире миңа кайтарыгыз. Мин сезгә бу сүзне юри генә, тикшерү өчен генә әйттем, үзегезнең динегезне яратасыз микән дип тикшереп карарга булдым сезне. Һәм сез үзегезнең динегездә нык торасыз икән!". Шунда бу патшалар бу сүзләрен ишеткәннән соң, аңа сәҗдә кылалар, аңа ризалык белдерәләр. Һәм бу Һиракльның Ислам диненә иң якынайган вакыты була, ләкин ул аны кире кага". 📚Силсилә әс-Сахихә, 3607.