Шунда Һиракль сорый: "Берәр кеше бармы шул дингә кереп шул диннән ачуланып, чирканып ки... — 19 сентября 2026 г. в 14:46:55.401
Шунда Һиракль сорый: "Берәр кеше бармы шул дингә кереп шул диннән ачуланып, чирканып кире чыгып киткән?" Әбү Суфьян: "Юк",- дип җавап бирә. Һиракль: "Сез бу кешенең элекеге тормышта алдаганын күрдегезме?" Әбү Суфьян:"Юк",- дип җавап бирде. Һиракль: "Аның бер тапкыр булса да хыянәт иткәне булдымы?"Әбү Суфьян: "Юк, ләкин без аның белән килешү төзедек, һәм миңа әле билгесез, ул бу килешүендә торыр микән",- дип җавап бирде. Шуннан соң Әбү Суфьян әйтте: "Һәм башка бер сүз дә әйтә алмадым пәйгамбәр турында". Һиракль тагын сорау бирә: "Сез аның белән сугышасызмы?" Әбү Суфьян әйтте: "Әйе". Һиракль сорый: "Ничек аның белән сугыш? Кайсыгыз җиңә?" Әбү Суфьян әйтә: "Алмашучан уңыш белән. Кайвакыт без җиңәбез, кайвакыт без җиңеләбез". Шулвакыт Һиракль сорый: "Ул сезгә нәрсә әмер итә?" Әбү Суфьян: "Ул безне бер Аллаһка гыйбадәт кылырга һәм Аңа беркемне һәм бернәрсәне дә тиңдәш китермәскә әмер итә. Һәм әти-бабаларыбыз әйткән нәрсәләрне калдырырга куша. Шулай ук ул безне намаз укырга өнди, хаклыкны гына сөйләргә, тыйнаклыкка һәм туганлык җепләрен ныгытырга чакыра". Шунда Һиракль тәрҗемә итүчегә әйтә: "Әйт аңа: "Мин аннан бу кешенең нәселе турында сорадым, һәм ул данлыклы нәселдән дип җавап бирде. Нәкъ шулай! Әгәр Аллаһ илче җибәрә икән, бу илчене данлыклы нәселдән чыгара. Һәм шуннан соң мин аңардан бу кешегә кадәр берәр кешенең "Мин– пәйгамбәр" дип әйткәне булдымы дип сорадым. Ул "Юк" дип җавап бирде. Әгәр ул "Әйе" дип җавап биргән булса, мин әйтер идем: "Димәк бу хәзерге кеше алдан әйткән кешенең дәрәҗәсенә ирешергә тели". Шулай ук мин синнән сорадым: "Аның әти-бабасыннан патша булган берәрсе бар идеме?" Син "Юк" дип җавап бирдең. Әгәр син аның әти-бабасыннан берәр патша бар дип әйткән булсаң, ул үзенең әти-бабасының патшалыгын үзенә кайтарырга тели, шуңа пәйгамбәр булырга тели дип әйтер идем. Шунда мин: "Бу кешене ул "Мин-Пәйгамбәр" дип әйткәнчегә кадәр алдалауда таптыгызмы? Син "Юк"дип җавап бирдең . Әгәр ул кешеләрне алдап йөрми икән, димәк Аллаһ турында бигрәк тә алдамаячак.