🌸 💞 Тату гаилә – бәхетле гаилә, диләр. Бер-береңне хөрмәтләп, кадерен белеп яшәү генә... — 22 июня 2026 г. в 10:24:27.069
🌸 💞 Тату гаилә – бәхетле гаилә, диләр. Бер-береңне хөрмәтләп, кадерен белеп яшәү генә гаиләне бәхетле һәм бердәм итә. Районыбызның үрнәк гаиләләренең берсе – Любовь һәм Нияз Нәҗмиевлар әлеге хакыйкатькә күптән төшенеп, өч дистә елдан артык матур гомер итәләр. 🌸 Саба егете Нияз белән Казан кызы – рус милләтеннән булган Любовьны 1993 елда ул чор яшьләренең төп очрашу урыны – мемориал дип йөртелгән үзәктә узучы татар дискотекасы таныштыра. 🌸 Бу вакытта икесе дә икенче курс студентлары – Любовь Казан педагогия институтында, Нияз Казан химия-технология институтында белем ала. Мемориалга якын гына яшәгән Любовьның дусты Наилә чакыруы белән беренче тапкыр татар дискотекасына килүе була бу. 🌸 Менә шушы көн кызның бөтен язмышын бәйләп тә куя. Бер күрүдә сөйкемлелеге, ягымлылыгы белән әсир иткән бу чибәр кызны рус милләтеннәндер дип башына да китерми егет. Сүз катуга, аның: “Мин татарча белмим” дигәненә, әлләни игътибар да бирми ул. Яшьләр берсе өчен берсе яратылган икәнлекләрен йөрәкләре белән шунда ук тоялар. Тулырак САЙТЫБЫЗДА укыгыз: https://saby-rt.ru/news/rayon/millatlare-torle-baxetlare-urtak