🌸🌿Бала имезү күкрәк һәм аналык бизендә яман шеш килеп чыгу куркынычын киметә — 5 августа 2026 г. в 13:00:04.620
🌸🌿Бала имезү күкрәк һәм аналык бизендә яман шеш килеп чыгу куркынычын киметә ❗️3-9 августта Россия Сәламәтлек саклау министрлыгы Бала имезүне популярлаштыру атнасын (Халыкара бала имезү атналыгы уңаеннан) уздыруны игълан итте. Бала тудыргач ук аны күкрәк сөте белән ашата башлау хатын-кызга тизрәк тернәкләнергә, аналыкның кыскаруына һәм кан югалту куркынычын киметергә булыша. Бала тапканнан соң була торган депрессияне җиңәргә ярдәм итә: имезә торган хатын-кызның организмында нейропептид гормоннары арта, шул исәптән эндорфиннар – шатлык гормоннары да. Ә озак вакыт имезү күкрәк, аналык бизе һәм эндометрия яман шешен, шулай ук остеопороз һәм йөрәк-кан тамырлары авыруларын кисәтә. Ана һәм сабыйның сәламәтлеге өчен зур файдасын исәпкә алып, бүген балаларны күкрәк сөте белән ике һәм аннан күбрәк яшькә кадәр ашатырга тәкъдим ителә. Бер елдан соң сөт үзенең файдалы үзлеген югалта икән дигән сүзләр – уйдырма. Имезүнең икенче елында сөт составында саклагыч антитәнчекләр (иммуноглобулиннар) күләме беренче елдагыдан да күбрәк булуы галимнәр тарафыннан дәлилләнгән. Әйе, бер елдан соң инде баланы тукландыруда күкрәк сөте төп урында түгел, шулай да әле аның өчен мөһим һәм файдалы санала.