Гадәттә, эштән кайткач, аш бүлмәсендә мәш киләбез. Коридор ягыннан гөрләгән тавыш килг... — 2 июня 2026 г. в 21:05:01.219
Гадәттә, эштән кайткач, аш бүлмәсендә мәш киләбез. Коридор ягыннан гөрләгән тавыш килгәч карасам, көтелмәгән кунак барлыгы аңлашылды. Бигрәк акыллы булып чыкты тагын үзе, кергән форточкасыннан чыгып киткәнен дә күрергә җитешмәдем. Баксаң, балконда берничә сәгать яшәп тә алган икән, күңеленә ошамаган гөлләрне дә себереп төшергән, иң мөһиме, ашлама калдырырга онытмаган, үзенчә рәхмәт белдерүе булгандыр инде. Шулай бервакыт бүгенге могҗизадан да кәттә хәл булганы искә төште. Эштән кайтып, киемнәремне элим дип түр бүлмәгә керсәм, тәрәзә тупсасында бер ир- ат утыра. Тәрәзәне ачык калдырып кит син менә эшкә, ярый әле адекват булып чыкты, ул елны йорт түбәсен алыштврганнар иде, мөгаен, арыган булгандыр инде:" Утырып ял итеп алдым, тәрәзәгезне ачык калдырып йөрмәгез",- диде дә, саклану канаты белән югарыга менеп китте. Сакланганны саклармын дигән Аллахы Тәгалә. Кайвакыт барысын да үтәп бетермибез шул. Ә игътибарлы булырга бик тә кирәк.Күгәрчен күпме хатирәләрне яңартты, рәхмәт сиңа, тыйнак кунак) Рәзинә Мәрданова блогыннан