🍄🥗 «ӘКИЯТИ КЫРМЫСКА ОЯСЫ» САЛАТЫ
🍄🥗 «ӘКИЯТИ КЫРМЫСКА ОЯСЫ» САЛАТЫ 😍 Исеме генә дә кызыктырып тора, әйеме? Ә тәме нинди икән! Бәйрәм табынына да, якыннарыгызны тәмле кабымлык белән сөендерергә дә менә дигән салат. Өстәвенә, ингредиентлары да катлаулы түгел! 🛒 Кирәк булачак: 🍗 Ысланган тавык ите – 150–200 г 🖤 Кара җимеш – 50–70 г 🥔 Бәрәңге – 2 данә 🥚 Йомырка – 3 данә 🧀 Сыр – 100–150 г 🍄 Шампиньон гөмбәсе – 150 г 🧅 Суган – 1 баш 🧄 Сарымсак – 1 тырнак 🌰 Әстерхан чикләвеге – 25–30 г 🥄 Майонез 🧂 Тоз, борыч 🌿 Яшел үләннәр 👩🍳 Әзерләү тәртибе: 1️⃣ Барлык ингредиентларны вак итеп турагыз. Кара җимешне алдан ярты сәгать суда тотарга кирәк. 2️⃣ Берничә шампиньонны бөтен килеш калдырыгыз. Калганнарын турап, суган белән бергә кыздырыгыз. 3️⃣ Сарымсакны пресс аша чыгарып, майонезга кушыгыз. 🥗 Салатны катламлап җыябыз: 🔸 Ысланган тавык ите + майонез + бераз чикләвек; 🔸 Суганлы гөмбә + майонез + бераз чикләвек; 🔸 Пешкән һәм туралган бәрәңге + йомырка + майонез; 🔸 Чикләвек + җебегән кара җимеш + майонез; 🔸 Иң өскә эре кыргычтан уылган сыр салабыз. ❄️ Салатны 2–3 сәгатькә суыткычка куегыз. Вакытыгыз булса, төнгә калдырыгыз — тагын да тәмлерәк булачак! ✨ Бизәү сере: Өстен туралмаган шампиньоннар һәм яртышар Әстерхан чикләвекләре белән бизәгез. Тирәли яшел үләннәрдән матур «ободок» ясагыз. 💚 Салат әзер! Табынга чыгарып, якыннарыгызны тәмле кабымлык белән сөендерегез!