✅ Әле бензин менән хәлдәр нисек? — 30 июня 2026 г. в 09:21:50.620

✅ Әле бензин менән хәлдәр нисек? Радий Хәбиров әйткәндәрҙең иң мөһимдәре. ✅ Әле төп бурыс – баҙарҙы яғыулыҡ менән тәьмин итеү һәм шау-шыуҙы бөтөрөү. Республика Хөкүмәтенең эше тап ошоға йүнәлтелгән. ✅ Яғыулыҡ ҡойоу станцияларына яғыулыҡ поставкаһы 1,5 тапҡырға арттырылған. Нефть эшкәртеү заводтары көсәйтелгән режимда эшләй. ✅ Властар проблеманы халыҡ арҡаһында килеп сыҡҡан тип иҫәпләмәй. Республика Башлығы һүҙҙәренсә, ғәйеплеләрҙе эҙләү түгел, ә логистиканы яйға һалыу һәм тотороҡло яғыулыҡ килтереүҙе тәьмин итеү мөһим. ✅ Ажиотажды кәметеү өсөн ваҡытлыса яғыулыҡты канистрҙа ебәреү тыйыла. Ҡала һәм район башлыҡтарына был ҡарарҙың үтәлешен шәхсән контролдә тотоу бурысы йөкмәтелде. ✅ “Башнефть” шәхси яғыулыҡ ҡойоу станцияларының бер өлөшөнә лә яғыулыҡ бирә башланы. Был райондарҙағы хәлде тотороҡландырырға һәм хаҡтарҙың ҡапыл артыуына юл ҡуймаҫҡа ярҙам итәсәк. ✅ Яғыулыҡтың хаҡын нигеҙһеҙ арттырған компаниялар тикшереләсәк. Уларҙың эшмәкәрлеге тейешле баһа аласаҡ. Хөкүмәт мәғлүмәттәре буйынса, яғыулыҡ ҡойоу станцияларына сираттар кәмей, ә яғыулыҡ менән тәьмин итеүҙе аҙна аҙағына тиклем тулыһынса тотороҡландырырға планлаштыралар. ✅ “Төп бурыс – шау-шыу тулҡынын төшөрөү. Кешеләр тыныс һулағас ҡына, беҙ проблеманы хәл иттек тип әйтергә була”, – тине Радий Хәбиров.