❤️ Бөгөн - Уҡытыусылар көнө
❤️ Бөгөн - Уҡытыусылар көнө Уҡытыусыма Ниндәй бәхет — Фекерең уртаҡ булған, Аңлай торған Кеше табыуы. Шатлығымдан Бик-бик түбән булыр Бейеклеге Урал тауының. Шиғырһыҙ ҙа Һеҙ бит аңлайһығыҙ Йөрәгемдең Иң саф хистәрен. Онотмамын, Һеҙҙе, Мәрйәм апай, Килгәндә лә Ғүмер хистәрем. Һәр һүҙегеҙ Миңә алтын булды, — Һис бер килмәй Сереү алтынға. Улар яныр Яҡты йондоҙ булып, Юл күрһәтеп Алға барырға. Уҡытыусы — Ниндәй гүзәл исем! Кеше итеп Һине әҙерләй. Тормоштоң ул Көрәшсеһе итә, Кескенәнән Һөйә, ҡәҙерләй. Күҙҙәр ҡамашырлыҡ Яҡты була Тиҙ булһа ла Йәшен йәшнәүе. Ниндәй гүзәл, Бер көн булғанда ла Кеше булып Ерҙә йәшәүең! (Рәми Ғарипов.) 🤝 Хөрмәтле мәғариф хеҙмәткәрҙәрен һөнәри байрамдары менән ҡотлайбыҙ! Яуаплы эштәрендә уңыштар, көндәлек шатлыҡтар, бәхет, һаулыҡ теләйбеҙ. ✅Беҙҙең МАХ каналына https://max.ru/gazetabashkortostan ҡушылығыҙ!