"Сунтаар улууһа (оройуона)" муниципальнай оройуон дьаһалтатын, улуус(оройуон) депутатта...
"Сунтаар улууһа (оройуона)" муниципальнай оройуон дьаһалтатын, улуус(оройуон) депутаттарын Сэбиэтин уонна тус бэйэбит ааппытыттан 2026 сыл ыам ыйын 28 күнүгэр, ытыктабыллаах биир дойдулаахпыт, Ил Түмэн 1-5 созывтарыгар норуот дьокутаата, РСФСР норуотун үөрэҕириитин туйгуна, СССР үөрэҕириитин туйгуна, Саха Өрөспүүбүлүкэтин норуотун хаһаайыстыбатын үтүөлээх үлэһитэ, «Гражданская доблесть», «Парламент России», Учитель учителей РС(Я) знактар туһааннаахтара, «За заслуги перед Отечеством» II степеннээх орден, «Совет Федерации 15 лет» мэтээл хаһаайыннара, Сунтаар уонна Анаабыр улуустарын бочуоттаах олохтооҕо УАРОВ АЛЕКСАНДР СЕРГЕЕВИЧ уһун ыарахан ыарыыттан 79 сааһыгар орто дойду олоҕуттан туораабытынан кини дьиэ кэргэнигэр, аймахтарыгар, доҕотторугар дириҥ кутурҕаммытын биллэрэбит. Александр Сергеевич 1948 сыллаахха муус устар 16 күнүгэр Саха АССР Сунтаар улууһун Бордон нэһилиэгэр төрөөбүтэ. 1971 сыллаахха А.И. Герцен аатынан Ленинградтааҕы педагогическай университет физикаҕа факультетын, 1994 сыллаахха – Алма-Атаҕа дойдуар икки ардыларынааҕы экономика, менеджмент уонна прогнозирование институтун бүтэртээбитэ. 1971-1990 сылларга Тойбохой уонна Анаабыр оскуолаларыгар физика учууталынан, завуһунан, директорынан үлэлээбитэ. 90 –с сылларга Анаабырга райсовет бэрэссээдэтэлиг солбуйааччытынан, улуус баһылыгын солбуйааччытынан, райсовет бэрэссэдээтэлинэн таһаарыылаахтык үлэлээбитэ. Александр Сергеевич 1993-2018 гг. СӨ норуотун дьокутаатынан, СӨ Ил Түмэҥҥэ хонтуруоллуур комитет бэрэссэдээтэлинэн үлэлиир кэмнэригэр Саха сирин социальнай-экономическай сайдыытыгар, сокуон таһаарар үлэтигэр уонна норуот олоҕун тупсарыыга бэйэтин сүҥкэн кылаатын киллэрбитэ умнуллуо суоҕа. Сунтаар улууһун баһылыга А.В. Григорьев Сунтаар улууһун (оройуонун) депутаттарын Сэбиэтин бэрэссэдээтэлэ У.Д. Попова