*Чөмпүйүөннэр учууталлара - Май Павлов бирииһигэр буоксаҕа өрөспүүбүлүкэтээҕи күрэх саҕ... — 28 мая 2026 г. в 09:29:39.279
*Чөмпүйүөннэр учууталлара - Май Павлов бирииһигэр буоксаҕа өрөспүүбүлүкэтээҕи күрэх саҕаланна* 🏆🏆🏆Бүгүн Сунтаар сиригэр улахан спорт бырааһынньыга саҕаланна. Саха Өрөспүүбүлүкэтин үтүөлээх тренерэ, Элгээй нэһилиэгин бочуоттаах олохтооҕо Май Николаевич Павлов бирииһигэр боксаҕа үс күннээх сытыы киирсиилээх күрэхтэһии үөрүүлээх быһыыга-майгыга аһылынна. Күрэхтэһии улуус олоҕор уонна өрөспүүбүлүкэ боксатын эйгэтигэр биир улахан суолталаах түгэнинэн буолар. Май Николаевич элбэх сыллаах сыралаах үлэтин тухары хас да көлүөнэ күүстээх спортсменнары, тренердэри иитэн таһаарбыта. Кини салалтатынан аан дойду таһымыгар Саха сирин аатын ааттаппыт WBA Asia титул хаһаайына Михаил Варламов, Валерий Талбан Егоров курдук чаҕылхай боксёрдар улахан спорка бастакы хардыыларын оҥорбуттара. Бүгүн кини иитиллээччилэрэ бэйэлэрэ улахан рингэҕэ тахсан, эдэр ыччакка холобур буолаллар. Үс күн устата Сунтаар рингатыгар саамай күүстээх, эрэллээх уонна талааннаах эдэр боксёрдар бэйэлэрин маастарыстыбаларын, дьаныардаах майгыларын уонна кыайыыга дьулуурдарын көрдөрүөхтэрэ. Күрэхтэһии кылаабынай сыалынан оҕолору уонна ыччаты спорка тардыы, Май Николаевич үтүө үгэстэрин салҕааһын уонна саҥа ааттары арыйыы буолар. Эдэр боксёрдарга сытыы хапсыһыылары уонна ситиһиилээх кыайыылары баҕарабыт! _Сунтаар улууһун дьаһалтатын пресс-сулууспата_