Ытыктабыллаах Сунтаар улууһун библиотекарьдара!
Ытыктабыллаах Сунтаар улууһун библиотекарьдара! "Сунтаар улууһа (оройуона)" муниципальнай оройуон дьаһалтатын, улуус депутаттарын Сэбиэтин уонна тус бэйэбит ааппытыттан Эһигини барыгытын Арассыыйаҕа бэлиэтэнэр Библиотекарь күнүнэн ис сүрэхпиттэн итиитик-истиҥник эҕэрдэлиибин! Бу күн биһиги уопсастыбабыт олоҕор кинигэ, билии-көрүү уонна култуура суолтатын өссө төгүл санатар. Библиотекарь – бу боростуой идэ эрэ буолбатах, бу дьиҥнээх ытык үлэ. Эһиги күн аайы киһиэхэ билии-көрүү эйгэтин арыйаҕыт, ааҕар киһини салайаҕыт, саҥа билиигэ сирдиигит, өйүн-санаатын байытаҕыт. Библиотека – бу билии, өй уонна култуура киинэ. Оҕоттон саҕалаан, улахан дьоҥҥо тиийэ, хас биирдии киһиэхэ библиотека аана аһаҕас. Эһиги ааҕыы эйгэтигэр бэриниилээх үлэҕит түмүгэ – ааҕааччы өйө-санаата чөл туругар, улууспут култууратын сайдыытыгар, эдэр ыччаппыт үөрэххэ, билиигэ тардыһыытыгар улахан кылааккыт буолар. Күндү библиотекарьдар! Өссө төгүл эҕэрдэлээн туран, эһиэхэ барыгытыгар чэгиэн доруобуйаны, дьолу-соргуну, үлэҕитигэр саҥа ситиһиилэри, кэрэхсэбиллээх ааҕааччылары уонна дьиэ кэргэҥҥитигэр эйэлээх олоҕу баҕарабыт! Өрүү кинигэ эйгэтигэр сырдыгы саҕа, билиини бэрсэ, ааҕыыны салайса сылдьыҥ! Сунтаар улууһун баһылыга А.В. Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова