*Саҥа саҕахтары арыйан: Сунтаар эдэр архитектордара уонна дизайнердара өрөспүүбүлүкэҕэ ...
*Саҥа саҕахтары арыйан: Сунтаар эдэр архитектордара уонна дизайнердара өрөспүүбүлүкэҕэ Гран-при ыллылар* 🏗🏛Дьокуускай куоракка «Архитектура уонна дизайн декадатын» чэрчитинэн оскуола оҕолоругар анаммыт архитектураҕа уонна уус-уран айымньыга XXI Өрөспүүбүлүкэтээҕи куоталаһыы-олимпиадата үрдүк таһымнаахтык буолан ааста. Муус устар 3-5 күннэригэр буолбут сытыы күрэххэ улууспут хамаандата бэйэтин кыаҕын, сатабылын толору көрдөрөн, муҥутуур кыайыылаах тахсан, үрдүк сыанабылы — Гран-При кубогын ылары ситистэ. Бу улахан ситиһии мээнэҕэ кэлбэтэ. Сунтаар улууһун оҕолорун бу эйгэҕэ ситиһиилэрэ сылтан сыл үрдээн, оҥоһуктарын таһыма, дизайн өттүнэн көрүүлэрэ тупсан уонна сайдан иһэрэ бэлиэтэнэр. Уус-уран айымньыга дьоҕурдаах оҕолор мэлдьи инники миэстэҕэ сылдьалларыгар улахан уопуттаах, бэриниилээх преподавателлэр күүс-көмө, тирэх буолаллар. Кинилэр иитээччилэрин кынаттаан, саҥа хайысханы арыйалларыгар угуйаллар. Үөрүүлээх түгэнинэн улуус дьаһалтатыгар Сунтаар улууһун баһылыга Анатолий Григорьев ситиһиилээх оҕолору, кинилэр салайааччыларын чиэстээһинэ буолла. Баһылык эдэр талааннарга махталын биллэрдэ уонна инникитин да улуус тутуутугар бэйэлэрин кылааттарын киллэрэллэригэр баҕарда. Кырдьыга да, Сунтаар улууһа архитектура уонна дизайн өттүгэр өрөспүүбүлүкэҕэ инники күөҥҥэ сылдьарын оҕолор өссө төгүл туоһулаатылар. Кинилэргэ өссө да үрдүк ситиһиилэри, саҥа айар үөрүүлэри баҕарабыт! _Сунтаар улууһун дьаһалтатын пресс-сулууспата_