*Сунтаар улууһун ураты тыыннаах ытык ыһыаҕа ыалдьыттарын үөрэ-көтө көрүстэ* — 20 июня 2026 г. в 02:10:52.649
*Сунтаар улууһун ураты тыыннаах ытык ыһыаҕа ыалдьыттарын үөрэ-көтө көрүстэ* 🌿🌿🌿Күннэри-түүннэри оһуохай дуорайар, олоҥхо сүмэтэ уонна өбүгэ үгэһэ түмүллэр Сунтаар улууһун Үрүҥ тунах ыһыаҕа саха норуотун уйулҕатын хамсатар ураты күүстээх. Манна сылдьыбыт эрэ киһи: «Мин Сунтаар ыһыаҕар сырыттым...» — диэн өрүү киэн тутта уонна махтана кэпсиир үгэһэ билигин да тыыннаах, көлүөнэттэн көлүөнэҕэ бэриллэр. Быйыл Сунтаар улууһа төрүттэммитэ 225 өрөгөйдөөх сылын бэлиэтиир ытык түһүлгэ тыһыынчанан дьону-сэргэни, ыраахтан-чугастан кэлбит ыалдьыттары биир сиргэ түмтэ, үрдүк айхалынан көрүстэ. Тэрээһин бочуоттаах ыалдьыттарынан Правительство дьаһалтатын салайааччыта Георгий Михайлов салайааччылаах өрөспүүбүлүкэ таһымнаах делегацията буолла. Манна биир дойдулаахтарбыт, "Арктик капитал" хампаанньа салайааччыта Матвей Евсеев, Михаил Никифоров, Афанасий Постников, Андрей Николаев бааллар. Ону тэҥэ, Арассыыйа Дьоруойа Филипп Евсеев, Дмитрий Егоров аҕата Николай Егоров түһүлгэни киэргэтэллэр. Кинилэри улуус баһылыга Анатолий Григорьев салайан, саха үгэһинэн, үөрэ-көтө уруйдаан көрүстэ. _Сунтаар улууһун дьаһалтатын пресс-сулууспата_