🖼️🎨«Портрет с натуры» — талааннаах оҕолорго сонун бырайыак
🖼️🎨«Портрет с натуры» — талааннаах оҕолорго сонун бырайыак Сунтаардааҕы оҕо искусствотын оскуолатыгар маҥнайгытын сонун күрэх ыытылынна, саҥа бырайыак үлэтэ саҕаланна. Бырайыак ааптардара: Сунтаардааҕы оҕо искусствотын художественнай отделениятын эбии үөрэхтээһинин педагогтара Мария Прокопьевна Попова, Айныыта Илгэйэ Айтал кыыһа. Алтынньы 22 күнүгэр уруһуй отделениятын оҕолорун икки ардыларыгар «Портрет с натуры» академическай уруһуй күрэҕэ ыытылынна. Күрэс Саха сиригэр биллэриллибит култуура сылыгар ананна. Оҕолор Саха өрөспүүбүлүкэтин култууратын үтүөлээх үлэһитэ Галина Самойлова мэтириэтин 3 чаас устата дьиҥнээх бэйэтин көрөн олорон уруһуйдаатылар. Барыта 15 оҕо графика тиэхиньикэтин туһанан уруһуйдаатылар. Дьүүллүүр сүбэҕэ худуоһунньук Галина Егоровна Федотова, О.К. Сосин аатынан Сунтаардааҕы политехническэй лицей-интэринээт эбии үөрэхтээһинин педагога Диана Вячеславовна Иванова, Сунтаардааҕы оҕо искусствотын художественнай отделениятын эбии үөрэхтээһинин педагогтара Мария Прокопьевна Попова, Айныыта Илгэйэ Айтал кыыһа, Катерина Сергеевна Бурнашева үлэлээтилэр. Күрэх түмүгүнэн Галина Егоровна оҕолорго туһалаах сүбэ-ама биэрдэ. Дьүүллүүр сүбэ быһаарыытынан кыайыылаахтар ааттара бигэргэннэ: 2-3 кылаас оҕолоругар: 1 миэстэ — Аделина Афанасьева 2 миэстэ — Оля Кужугет 3 миэстэ — Аня Егорова 4-5 кылаастарга: 1 миэстэ — Ванесса Тимофеева 2 миэстэ — Уйгулаана Гуринова 3 миэстэ — Милана Иванова Анал ааттар: «Кэскиллээх кыттааччы» — Анэля Кириллина «Ураты техникалаах уруһуй» — Милена Иванова Сунтаардааҕы оҕо искусствотын оскуолата