🔹️🔹️🔹️Сунтаар улууһун урбаанньыттара Предпринимателлэр күннэрин үгэс буолбут сыллааҕ... — 29 мая 2026 г. в 09:04:55.175
🔹️🔹️🔹️Сунтаар улууһун урбаанньыттара Предпринимателлэр күннэрин үгэс буолбут сыллааҕы сүлүөккэ мустан үрдүк таһымнаахтык бэлиэтээтилэр. Кинилэр нэһилиэнньэни табаарынан, өҥөнөн хааччыйыыга, саҥа үлэ миэстэтин таһаарыыга уонна бүддьүөт үбүн хаҥатыыга ураты суолталарын бэлиэтээн туран улуус баһылыга Анатолий Григорьев бастыҥ үлэлээх урбаанньыттарга бочуоттаах грамоталары, махтал суруктары үөрүүлээх быһыыга-майгыга туттарда. Сүлүөт кэмигэр урбаанньыттар ортолоругар хас да көрүҥҥэ сымсаны, күүһү уонна хамаанданан үлэни сыаналыыр спортивнай күрэстэр тэрилиннилэр. Бу күрэхтэһиилэр урбаанньыттар бэйэ-бэйэлэрин кытта чугастык билсэллэригэр, доҕордуу сибээһи олохтуулларыгар күүстээх тирэҕинэн буолаллар. Тэрээһин биир саамай суолталаах уонна үтүө өрүтүнэн аһымал лотерея оонньуута буолла. Лотереяҕа уонна тэрээһин кэмигэр киирбит үп-харчы барыта анал байыаннай дьайыыга сылдьар биир дойдулаахтарбытыгар уонна кинилэр дьиэ кэргэттэригэр көмө быһыытынан туһуланыллыаҕа. Сүлүөт кыттыылаахтара инникитин даҕаны улуус туһугар үлэлииргэ, саҥа бырайыактары олоххо киллэрэргэ уонна түмсүүлээх буоларга бэлэмнэрин биллэрдилэр. _Сунтаар улууһун дьаһалтатын пресс-сулууспата_