Башҡортостанда инвалидлыҡ алған хәрби хәрәкәт ветерандары өсөн социаль хеҙмәттәр йыйылм... — 28 августа 2026 г. в 09:22:04.114
Башҡортостанда инвалидлыҡ алған хәрби хәрәкәт ветерандары өсөн социаль хеҙмәттәр йыйылмаһын алыу тәртибе ябайлаштырылды. Хәҙер хеҙмәттән бушатылғандан йәки инвалидлыҡ бирелгәндән һуң өс ай эсендә ғариза биреү етә – ташламалар киләһе айҙан уҡ ғәмәлгә инә башлай. Мәҫәлән, сентябрҙә бирҙегеҙ икән – октябрҙән үк ташламаларҙан файҙалана алаһығыҙ. Хеҙмәттәр йыйылмаһына рецептура дарыуҙары, шифахана-курорт дауалауы, ҡала яны электричкаларында бушлай йөрөү инә. Социаль хеҙмәттәрҙе инвалидлыҡ алып хәрби хеҙмәттән бушатылған МХО ветерандары рәсмиләштерә ала. Был хеҙмәте тамамланғандан һуң бер йыл эсендә инвалидлыҡ алғандарға ла ҡағыла. Ғаризаны Дәүләт хеҙмәттәре һәм Күп функциялы үҙәк аша йәки Рәсәй Социаль фондының Башҡортостан бүлексәһе клиент хеҙмәтендә бирергә мөмкин. Мөһим. Әгәр ветеран ташламалар урынына аҡсалата компенсация алһа, ул шул уҡ шарттарҙа хеҙмәттәр йыйылмаһына күсә ала. Рәсмиләштереү мәсьәләләре буйынса РСФ-ның клиент хеҙмәтенә йәки Күп функциялы үҙәккә мөрәжәғәт итергә мөмкин. #Аңлатабыҙ_Башҡортостан #ОбъясняемРФ #ОбъясняемБашкортостан