Хәлитовтар - беренсе!
Хәлитовтар - беренсе! "Ҙур ғаилә уйындары" конкурсының республика этабы еңеүселәре билдәләнде. 2-3 ноябрь көндәрендә Рәсәй Геройы Максим Серафимов исемендәге “Патриот” паркында "Ҙур ғаилә уйындары" конкурсының республика этабы үтте. Финалда бөтә республиканан 60-тан ашыу ғаилә ҡатнашып, «Рәсәй бөркөттәре» программаһының төрлө йүнәлештәре буйынса үҙ көстәрен һынаны. Байназар ауылынан Марсель һәм Филиә Хәлитовтар улдары 6 йәшлек Данияр һәм 4-се класс уҡыусыһы Байрас менән Бөрйән районы данын яҡлап уңышлы сығыш яһаны. Улар үҙҙәрен спорт яратыусы ғаилә икәнен йәнә лә бер иҫбатлап, "Трек Орлёнок - спортсмен" йүнәлешендә 1-се урын яуланылар! Хәлитовтар ғаиләһен еңеүҙәре менән ихлас күңелдән ҡотлайбыҙ, киләсәктә лә яңы ҡаҙаныштар, уңыштар теләйбеҙ! Сығанаҡ: Бөрйән районы хакимиәте
Канал в каталоге Максиметера
1 378 подписчиков · Новости