Райондашыбыҙ "Атай ҡаһарманлығы" наградаһына лайыҡ булды — 27 августа 2026 г. в 15:36:30.778
Райондашыбыҙ "Атай ҡаһарманлығы" наградаһына лайыҡ булды Биология фәндәре докторы, профессор, Башҡорт дәүләт аграр университетының Урал аръяғы уҡыу-ғилми үҙәге директоры, «Шүлгән-Таш» ҡурсаулығының ғилми хеҙмәткәре, ҡортсо Фитрат Йомағужинға бөгөн Өфөлә уҙған тантаналы сарала «Атай ҡаһарманлығы» йәмәғәт премияһы тапшырылды. Фитрат Ғилметдин улы бөтә ғүмерен Бөрйән бал ҡортон һаҡлауға бағышлай. Был кәсепте уның балалары ла дауам итеп, тормоштарын умартасылыҡ менән бәйләгән. Ҡыҙы Әминә «Шүлгән-Таш» ҡурсаулығында иҡтисадсы булып эшләй һәм атаһынан тапшырылған һөнәр менән дә шөғөлләнә. Улы Рәфил махсус хәрби операциянан һуң ғилми эшенә ҡайта һәм ҡортсолоҡ эшен дауам итә. Башҡорт дәүләт аграр университетының умартасылыҡ кафедраһында кесе ғилми хеҙмәткәр булып эшләй. "Батырлыҡ өсөн" һәм 1-се дәрәжә "Хәрби батырлыҡ өсөн" миҙалдары менән наградланған. Йомағужиндар - дөйөм стажы 345 йылдан ашыу умартасылыҡ менән шөғөлләнгән ысын хеҙмәт династияһы. Фитрат Йомағужиндың олатаһы, атаһы, ағалары ла ҡортсо. Ә бөгөн уларҙың ғаилә кәсебе балаларының ышаныслы ҡулында. Фитрат Ғилметдин улын ҡотлайбыҙ 👏🏻