🥣🌾 ААН БАСТААН ОЛОҤХО ЫҺЫАҔАР: «Саха сирин улуустарын амтана» түһүлгэ арылынна — 4 июля 2026 г. в 17:04:21.532
🥣🌾 ААН БАСТААН ОЛОҤХО ЫҺЫАҔАР: «Саха сирин улуустарын амтана» түһүлгэ арылынна Быйыл Кэбээйигэ ыытылла турар Олоҥхо Ыһыаҕын чэрчитинэн ураты, саҥа хайысхалаах — «Саха сирин улуустарын амтана» диэн ураты ас-үөл түһүлгэтэ аан маҥнайгытын арылынна! Бу түһүлгэ сүрүн сыала-соруга — Сахабыт сирин араас муннуктарыгар баар, урукку кэмнээҕи умнулла сыспыт төрүт астары хаттаан сөргүтүү, үйэтитии уонна уран сатабылы киэҥ эйгэҕэ тарҕатыы буолар. 🥛🍗 Бырааһынньыктааҕы күрэскэ уопсайа өрөспүүбүлүкэ 12 улууһуттан 20-тэн тахса бастыҥ асчыт кэлэн кыттыыны ылла. Мааны маастардар саха норуотун араас иҥэмтэлээх, ураты бүлүүдэлэрин астаан аҕалан, ыалдьыттарга сиһилии билиһиннэрдилэр уонна амсаттылар. 🥛✨ Биһиги улууспутуттан бу ураты күрэскэ уран илиилээх уһулуччулаах асчыппыт Мария Бондарева олус ситиһиилээхтик кытынна. Кини саха төрүт аһылыгын биир саамай уустук оҥоһуулаах, ураты сиэдэрэй көрүҥүн — үрүмэ аһылыгын ураннаан астаан аҕалан, көрөөччүлэр уонна дьүүллүүр сүбэ үрдүк биһирэбилин ылла. Сахабыт төрүт аһын-үөлүн үйэтитиигэ күүс-көмө буолбут бары мааны асчыттарга уонна биир дойдулаахпытыгар Мария Бондареваҕа ис сүрэхпититтэн истиҥ махталбытын тиэрдэбит! Төрүт аспыт амтана уостубатын, уйгубут-быйаҥмыт мэлдьи дэлэйдин! 📲МАХ|