12 июнь көнне Райнур Азербәйҗан Республикасының Баку шәһәрендәге татар яшьләре белән оч...
12 июнь көнне Райнур Азербәйҗан Республикасының Баку шәһәрендәге татар яшьләре белән очрашты. Әлеге чара Татарстан Республикасының Азербәйҗан Республикасындагы даими вәкиллегендә узды. Очрашу барышында Райнур Бөтендөнья татар яшьләре форумы проектларын гамәлгә ашыру тәҗрибәсе белән уртаклашты, яшьләр белән танышты һәм киләчәктә хезмәттәшлек итү өчен элемтәләр урнаштырды. Сәфәр кысаларында Райнур Бакудагы тарихи «Әҗдәрбәй» мәчетендә («Зәңгәр мәчет») дә булды. Әлеге мәчет татар җәмгыяте өчен әһәмиятле урын булып тора: биредә татарлар очрашып, аралашып, милли һәм дини традицияләрне саклый. Мәчеттә шулай ук татар бүлмәсе дә бар. Халык арасында «Зәңгәр мәчет», шулай ук «Татар мәчете» буларак та билгеле. Татар җәмгыяте вәкилләре сөйләвенчә, Бөек Ватан сугышыннан соң татар сугыш ветераннары Азербәйҗан Республикасы СССР җитәкчелегенә мөрәҗәгать итеп, мәчетне гыйбадәт кылу өчен яңадан ачуны сораган.