Бүгүн, ыам ыйын 7 күнүгэр, Саха сиригэр ойуулуур - дьүһүннүүр искусствоны төрүттээбит И... — 7 мая 2026 г. в 23:40:58.802
Бүгүн, ыам ыйын 7 күнүгэр, Саха сиригэр ойуулуур - дьүһүннүүр искусствоны төрүттээбит Иван Васильевич Попов төрөөбүт күнүгэр пленэр ыытылынна. Үһүс сылын Ф.С.Аргунов аатынан оҕо искусствотын оскуолатын учууталлара С.К.Билюкина, М.И.Аввакумова, Л.А.Сыромятникова иитиллээччилэрин кытта өрүү көхтөөхтүк кытталлар. Оҕолор харахтарынан сөбүлүү көрбүт көстүүлэрин - сааскы бастакы сибэккилэри ньургуһуннары, маны сэргэ түмэл тутууларын Ытык-Күөллээҕи таҥара дьиэтин, улуус бастакы оскуолаларын, И.В.Попов пааматынньыгын уруһуйдаатылар. Быйылгы пленэргэ учуутал Марина Иннокентьевна Аввакумова уонна кини 2014 сыллаах выпуһун үөрэнээччитэ, Алампа аатынан Ытык-Күөллээҕи 1 -кы нүөмэрдээх орто оскуолатын учуутала Лиана Васильевна Данилова коллегатынаан Сильвия Михайловна Илларионовалыын холустаҕа арыы кыраасканан саҥа хартыыналары суруйдулар. Учууталлар бэлиэтииллэринэн, оҕолор киэҥ сиргэ ыраахтан көрөр сатабыллара, айылҕа өҥүн араарар дьоҕурдара сайдар, маны сэргэ улахан дьонтон саҥаны иҥэринэллэр. Ити курдук, бүгүҥҥү бэлиэ күҥҥэ оҕолор учууталларын кытта кэрэни көрөн, балаҕан ыйыгар "Таатта" түмэлин 25 сыллаах үбүлүөйдээх быыстапкатыгар бэлэмнэнии үлэтин саҕалаатылар. #Тааттатүмэлэ #Тааттатүмэлин25сыла