Ыам ыйын 4 күнүгэр Ф.С. Аргунов аатынан Оҕо искусствотын оскуолатыгар үҥкүү салаатын... — 5 мая 2026 г. в 04:43:49.377
Ыам ыйын 4 күнүгэр Ф.С. Аргунов аатынан Оҕо искусствотын оскуолатыгар үҥкүү салаатын преподавателларыгар улуустааҕы семинар-практикум буолан ааста. Семинар икки түһүмэҕинэн ыытылынна. Бастакы түһүмэххэ улуус бастыҥ преподавателлэрин аһаҕас уруоктарын көрдүбүт. Иккис түһүмэх методическай үлэҕэ ананна: план-конспект, методическай разработка, проект суруйуута, аттестация боппуруостарыгар бол5омто уурулунна. Семинарга Улуустаа5ы норуот айымньытын дьиэтин директора Сивцева И.А. кыттыыны ылла. Саха тэрут уцкуутун тула кэпсэтиини ыытта, субэ-саргы биэрдэ. Искусство оскуолатын салайааччыларын Попова Д. А, Павлов А.И. кытта төгүрүк остуол тула олорон туһааннаах ыйытыыларга хоруй ыллыбыт, үлэ тула көдьүүстээх сэһэргэһии тэрилиннэ. Маннык семинар эдэр үлэһиттэргэ бастыҥ үлэ уопутун тарҕатарга, үөрэтии таһымын үрдэтэргэ бэрт туһалаах, инникитин сылга биирдэ ыытыллара хайаан да наада диэн түмүккэ кэллибит. Семинары тэрийбит Саха Республикатын культуратын үтүөлээх үлэһитэ Р.М. Ивановаҕа, Саха Республикатын культуратын туйгуна Т.К. Кононоваҕа махтал тыллара этилиннилэр.