Кулун тутар 25, 26 күннэригэр Дьокуускай куорат киинигэр үгэс буолбут VII төгүлүн ыытыл... — 26 марта 2026 г. в 07:47:16.790
Кулун тутар 25, 26 күннэригэр Дьокуускай куорат киинигэр үгэс буолбут VII төгүлүн ыытыллар өрөспүүбүлүкэтээҕи "Северный Арабеск" диэн искусство оскуолаларын үҥкүү салаатын үөрэнээччилэрин икки ардыгар күрэх буолан ааста. Барыта 13 улуустан үҥкүү салаатын уҺуйуллааччылара, преподавателлэрэ кыттыыны ыллылар. Тааттаттан өр сылларга бэриниилээхтик үлэлээбит Саха Өрөспүүбүлүкэтин культуратын туйгуна Кононова Туйара Константиновна преподавателлээх Ф.С.Аргунов аатынан искусство оскуолатын Харбалаахтааҕы филиалын үҥкүү салаата кытынна. Күрэххэ сүрүннээн учууталлар бэйэлэрин үлэлэрин методикатын көрдөрөр аһаҕас уруоктары ыыттылар. Ол түмүгэр дьүүллүүр сүбэ классическай үҥкүү курдук ыарахан көрүҥҥэ Туйара Константиновна аһаҕас уруогун методиката, музыката, толоруу өттүнэн грамотнай уруок ыытылынна диэн үрдүктүк сыаналаан Кылаан Чыпчаалы ылары ситистилэр. Оҕолорбутугар уонна преподавателлэригэр өссө да үрдүк ситиһиилэри ба5арабыт