🔥Әтнә таланты Казан үзәгендә халыкара кунакларны таң калдырды🔥 — 15 мая 2026 г. в 14:25:42.430
🔥Әтнә таланты Казан үзәгендә халыкара кунакларны таң калдырды🔥 12–16 май көннәрендә башкалабыз Казанда бөтен дөнья игътибарын җәлеп иткән "Россия – Ислам дөньясы: KazanForum 2026" ХVII халыкара икътисади форумы югары дәрәҗәдә узып китте. Әлеге абруйлы һәм күркәм чара кысаларында, башкалабызның үзәгендә урнашкан тарихи Казаныбызның "Уникальный осталык үзәге (ЦУМ)"бинасында Әтнә район мәдәният бүлеге хезмәткәрләре һәм иҗади коллективлары форум кунаклары өчен онытылмаслык зур, эчтәлекле концерт программасы бүләк иттеләр. Әлеге җанлы һәм мәдәни мәйданчыкта Әтнәбезнең моңлы да, дәртле дә сәнгате яңгырады: "Әтнә егетләре" гармунчылар ансамбле үзенең дәртле татар көйләре белән барлык кунакларны биетсә, "Сөмбел" халык фольклор ансамбле халкыбызның борынгы гореф-гадәтләрен, йолаларын зур осталык белән җанландырды. "Хыял" квартетының камил һәм югары дәрәҗәдәге вокаль башкаруы тамашачыларның күңел кылларын тибрәтте. Әтнә балалар сәнгать мәктәбенең яшь йолдызлары — "Ал чәчәк" үрнәк бию коллективы, "Нур" үрнәк вокаль ансамбле һәм район мәдәният хезмәткәрләре күркәм рус һәм татар халык биюләре аша халыклар дуслыгын гәүдәләндереп, "Уникаль осталык үзәге"ны чын милли бәйрәм төсенә бизәделәр. Аерым башкаручыларның чыгышлары да форумның онытылмаслык мизгелләренә әйләнде. Талантлы иҗатчы егет Инсаф Аглиуллин, Әтнәбезнең чын моңлы сандугачы Гөлүзә Сираҗиева һәм сәнгать мәктәбе укучысы Сәйдә Габидуллина үзләренең кабатланмас тавышлары һәм сәхнә осталыклары белән чит ил кунакларын таң калдырдылар. Әтнә артистлары үзләренең югары һөнәри осталыклары белән район данын гына түгел, бөтен татар милли мәдәниятен халыкара дәрәҗәдә югары күтәреп, тамашачыларның кайнар алкышларына һәм чиксез рәхмәтләренә лаек булдылар.