💐Әтнә тәрәзәләрендә — Җиңү язы💐 — 7 мая 2026 г. в 14:09:48.087
💐Әтнә тәрәзәләрендә — Җиңү язы💐 Әтнә мәдәният йорты хезмәткәрләре акциягә кушылды. Әлеге чараның төп максаты — өй яки оешма тәрәзәләрен символлар белән бизәп, Бөек Ватан сугышы геройларына рәхмәт белдерү. Район мәдәният йорты, авыл клублары һәм китапханә тәрәзәләре чын сәнгать әсәренә әверелде. Әтнә мәдәният йорты хезмәткәрләре һәр тәрәзә бизәлешенә иҗади яктан килеп, аларны тынычлык символы булган ак күгәрченнәр, салютлар, һәм чәчәкләр белән бизәделәр. Хәтер сагында«Бу акция — безнең өчен ветераннарыбызга тагын бер кат "Рәхмәт!" әйтү мөмкинлеге. Тәрәзәләргә ябыштырылган һәр тасма, һәр йолдыз — ул үткәннәрне хөрмәт итүебез билгесе», — дип билгеләп үтә мәдәният хезмәткәрләре. Бүген Әтнә урамнары буйлап узганда, һәр тәрәзәдән Җиңү язы карап тора кебек. Бу акция безне берләштерә, хәтеребезне яңарта һәм киләчәккә өмет өсти. Җиңүнең 81 еллыгын без менә шулай — бердәм һәм иҗади рухта каршы алабыз!