Күрә бел син дөнья матурлыгын — 25 августа 2026 г. в 10:37:55.575
Күрә бел син дөнья матурлыгын Ничек матур иртән таң ата. Йөрәкләргә моңлы хисләр өстәп Сандугачлар җыры уята. Күрә бел син дөнья матурлыгын Якты кояш- үзе бәхет ул! Җылы нурын биреп, күңелләргә Матур яшәгез, дип, өнди ул! Күрә бел син, дөнья матурлыгын Юлдаш булган төнге айны да. Күктән безгә үз яктысы белән Яктыртканы өчен юлны да. Күрә бел син, дөнья матурлыгын Ничек йомшак җилләр исәләр! Әнкәеңнең назлы кулы кебек Маңгаеңнан сыйпап үтсәләр! Күрә бел син, дөнья матурлыгын Шуңа өстәп, ләйсән яңгырын! Кояш балкый, ләйсән яңгыр ява Үзе бәхет- тою тамчысын! Күрә бел син, дөнья матурлыгын Диңгез дулкынының шаулавын. Сихри бер моң булып бар җиһанга Яшәү өчен кодрәт даулавын. Күрә бел син, дөнья матурлыгын Яхшы күрше- үзе бер хикмәт! Сораша ул, хәлең белеп тора Тик аңарга синнән зур хөрмәт! Тик күрәсең дөнья матурлыгын Эчке дөньяң киң һәм бай булса. Ләззәт тоеп, синең саф йөрәгең Изге хисләр белән тик тулса! Автор: Анфира Миргалимова