"Яшәү рәхәт! "- диләр, кайберәүләр — 25 августа 2026 г. в 10:32:27.726
"Яшәү рәхәт! "- диләр, кайберәүләр Акчаң әгәр синең күп булса! Акчаның да ямен тоймыйсың син Күңлең әгәр синең буш булса! Күрмәсәң син ерак шәфакның Бар җиһанга чәчкән ал нурын. Сизмәсәң син назлы җилләрнең Чәч толымың белән уйнавын! Күрмәсәң син яшел болыннарда Куак булып үскән талларны! Шул талларга кунып, моңлы итеп Иртә-кич сайраган кошларны! Яңгырдан соң чыккан кояшны да Каршы ал син һәрчак елмаеп! Ялан тәпи хәтфә чирәмнәрдән, Атлап үт син, эзләр калдырып! Тик сөенеп яшик әле, дуслар, Яңа аткан алсу таңнарга, Җылы нурын биргән кояшка, Мичтә пешкән тәмле ипигә, Өстәлдәге кайнар бәлешкә, Хәтта, бик кыйммәтле булмаса да, Өскә кигән яңа күлмәккә! Шөкер итеп яшик булганына, Риза булып биргән байлыктан! Яшәр өчен тик матурлык күреп, Аермасын Раббым саулыктан! Анфира Миргалимова