Исерек килеш ялган йөртү таныклыгы белән идарә итү юл һәлакәтенә китерде
Исерек килеш ялган йөртү таныклыгы белән идарә итү юл һәлакәтенә китерде Кичә Октябрьский шәһәрендә эш вакытында ЮХХДИ хезмәткәрләренә юл-транспорт һәлакәте турында хәбәр килеп ирешә. Урынга тиз арада килеп җиткәч, полиция хезмәткәрләре түбәндәгеләрне ачыклады: 38 яшьлек «Дэу Нексия» автомобиле йөртүчесе, алда баручы транспорт чарасына куркынысыз дистанция сакламыйча, аңа бәрелә. Һәлакәттә катнашучылар белән аралашу барышында һәм башлангыч тикшерү вакытында «Нексия» йөртүчесендә алкоголь куллану билгеләре ачыклана. Документларны тикшерү әлеге гражданның гаебен тагын да катлауландыра. Аның күрсәткән йөртү таныклыгы мәгълүматлар базасы буенча тикшергәндә ялган булып чыга. Һәлакәт урынында беркетмә төзелә. Бу факт буенча җинаять эше кузгату мәсьәләсе карала. Хәзерге вакытта тикшерү бара. Исегездә тотыгыз: руль артына исерек килеш утыру — ул үз тормышыгызны гына түгел, юлдагы башка кешеләрнең дә гомерен куркыныч астына кую дигән сүз. Бер мизгеллек ваемсызлык аяныч нәтиҗәләргә китерергә мөмкин!
Канал в каталоге Максиметера
1 981 подписчиков · Новости